ಮಕ್ಕಳಲ್ಲಿ ಬುದ್ಧಿಮತ್ತೆ ಹೆಚ್ಚಿಸುವ ಸ್ತನ್ಯಪಾನ

ನ್ಯೂಯಾರ್ಕ್‌ (ಐಎಎನ್‌ಎಸ್‌): ತಾಯಿ ಎದೆ ಹಾಲು ಕುಡಿದು ಬೆಳೆದ ಮಕ್ಕಳು ಬುದ್ಧಿಮತ್ತೆಯಲ್ಲಿ ಮುಂದೆ ಇರುತ್ತಾರೆ ಎಂಬ ಅಂಶವು  ಅಧ್ಯಯನದಿಂದ ತಿಳಿದು ಬಂದಿದೆ. ಈ ಕುರಿತು ಅಧ್ಯಯನ ನಡೆಸಿರುವ ಬ್ರಿಗ್‌­ಹ್ಯಾಮ್‌ ಯಂಗ್‌ ವಿಶ್ವವಿದ್ಯಾಲ­ಯದ ಸಂಶೋಧಕ ಬೆನ್‌ ಗಿಬ್ಸ್‌ ಅವರು 7,500 ತಾಯಂದಿರು ಮತ್ತು 5 ವರ್ಷದವೆರೆಗಿನ ಮಕ್ಕಳನ್ನು ಪರೀಕ್ಷೆಗೆ ಒಳಪಡಿಸಿದ್ದರು.

ತಾಯಿಯ ಎದೆ ಹಾಲು ಕುಡಿದ ಮಕ್ಕಳು ಒಂದು ವರ್ಷ ಹನ್ನೊಂದು ತಿಂಗಳಿನಲ್ಲಿಯೇ ಓದುವ ಸಾಮರ್ಥ್ಯ ಹಾಗೂ ಭಾವನಾತ್ಮಕ ಸಂವೇದನೆಯನ್ನು ಪಡೆದುಕೊಳ್ಳುತ್ತಾರೆ ಎಂದು ಅಧ್ಯಯನ ತಿಳಿಸಿದೆ. 6 ತಿಂಗಳು ಅಥವಾ ಅದಕ್ಕಿಂತ ಹೆಚ್ಚು ಕಾಲ ತಾಯಿಯ ಎದೆಹಾಲು ಕುಡಿದ ಮಕ್ಕಳ ಬುದ್ಧಿಮತ್ತೆ ಚುರುಕಾಗಿ­ರುವ ಅಂಶವನ್ನು  ತಾವೂ ಗುರುತಿಸಿರು­ವುದಾಗಿ ವೈಯ್ನೆ ಸ್ಟೇಟ್‌ ವೈದ್ಯಕೀಯ ವಿಶ್ವವಿದ್ಯಾಲಯದ  ಮಕ್ಕಳ ಅಭಿವೃದ್ಧಿ ವಿಭಾಗದ ತಜ್ಞ ಸಾಂಡ್ರ ಜಾಕೋಬ್ಸನ್‌ ಅವರು ತಿಳಿಸಿದ್ದಾರೆ.