ಶಬಾನಾಗೆ ಪ್ರಶಸ್ತಿ

ನ್ಯೂಯಾರ್ಕ್ (ಪಿಟಿಐ): ಸಿನಿಮಾ ರಂಗಕ್ಕೆ ನೀಡಿರುವ ಕೊಡುಗೆ ಮತ್ತು ನ್ಯೂಯಾರ್ಕ್ ಚಿತ್ರೋದ್ಯಮದಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವುದಕ್ಕೆ ಬಾಲಿವುಡ್ ಹಿರಿಯ ನಟಿ ಶಬಾನಾ ಅಜ್ಮಿ ಅವರಿಗೆ `ನ್ಯೂಯಾರ್ಕ್ ನಗರ~ ಪ್ರಶಸ್ತಿ   ನೀಡಿ ಗೌರವಿಸಲಾಗಿದೆ. 

  ಈ ಪ್ರಶಸ್ತಿ ಪಡೆದ ಮೊದಲ ಭಾರತೀಯ ಮಹಿಳೆ ಎಂಬ ಹೆಗ್ಗಳಿಕೆ ಅವರದು.
ಕಲಾ ಸಿನಿಮಾ ಕ್ಷೇತ್ರದಲ್ಲಿ ಸಲ್ಲಿಸಿರುವ ಸೇವೆ ಮತ್ತು ಇಲ್ಲಿನ ಚಿತ್ರೋದ್ಯಮದಲ್ಲಿ ಕ್ರಿಯಾಶೀಲರಾಗಿ ಪಾಲ್ಗೊಂಡಿದ್ದಕ್ಕೆ ನ್ಯೂಯಾರ್ಕ್ ನಗರದ `ಘೋಷಣಾ ಪತ್ರ~ವನ್ನು ಶುಕ್ರವಾರ ಇಲ್ಲಿ ನಡೆದ ಸಮಾರಂಭದಲ್ಲಿ ಶಬಾನಾ ಅವರಿಗೆ ಪ್ರದಾನ ಮಾಡಲಾಯಿತು.

ನ್ಯೂಯಾರ್ಕ್ ಚಲನಚಿತ್ರ ಮತ್ತು ಟಿ.ವಿ ಕಾರ್ಯಕ್ರಮ ಅಭಿವೃದ್ಧಿ ಕಾರ್ಯನಿರ್ವಾಹಕ ನಿರ್ದೇಶಕ ಪ್ಯಾಟ್ರಿಶಿಯಾ ಕಾಫ್‌ಮನ್, ನ್ಯೂಯಾರ್ಕ್ ಗವರ್ನರ್   ಆ್ಯಂಡ್ರೂ ಕ್ಯೂಮೊ, ಸಂಸದೆ    ಕೆರೊಲಿನ್ ಮಲೊನಿ ಉಪಸ್ಥಿತರಿದ್ದರು.