‘ಶವ ಶೆರಿನ್‌ದ್ದೇ’: ಪೊಲೀಸರ ಸ್ಪಷ್ಟನೆ

ಹ್ಯೂಸ್ಟನ್‌: ‘ರಸ್ತೆ ಪಕ್ಕದ ಸುರಂಗದಲ್ಲಿ ಪತ್ತೆಯಾದ ಮಗುವಿನ ಶವ ಭಾರತ ಮೂಲದ ಬಾಲಕಿ  ಶೆರಿನ್‌ ಮ್ಯಾಥ್ಯೂಸ್‌ದ್ದೇ ಎಂದು ದೃಢಪಟ್ಟಿದೆ’ ಎಂದು ರಿಚರ್ಡ್‌ಸನ್‌ ಪೊಲೀಸರು ಸ್ಪಷ್ಟಪಡಿಸಿದ್ದಾರೆ. ಸೋಮವಾರವಷ್ಟೇ ಬಾಲಕಿಯ ಮೃತದೇಹ ಮನೆ ಸಮೀಪದಲ್ಲಿ ಪತ್ತೆಯಾಗಿತ್ತು.

ಶೆರಿನ್‌ ಸಾವಿಗೆ ಸಂಬಂಧಿಸಿದಂತೆ ಸಾಕುತಂದೆ ವೆಸ್ಲೆ ಮ್ಯಾಥ್ಯೂಸ್‌ ಅವರನ್ನು ಮಂಗಳವಾರ ಬಂಧಿಸಲಾಗಿದೆ. ಬಂಧನದ ಪ್ರಮಾಣಪತ್ರದಲ್ಲಿ ಆರೋಪಿ ನೀಡಿದ ಹೇಳಿಕೆ ಪ್ರಕಾರ, ‘ಮಗಳು ಹಾಲು ಕುಡಿಯುವ ವೇಳೆ ಉಸಿರುಗಟ್ಟಿತ್ತು. ಈ ವೇಳೆ ಮಗಳು ಸಾವನ್ನಪ್ಪಿರಬೇಕು ಎಂದು ಭಾವಿಸಿ, ಶವವನ್ನು ಹೊರಕ್ಕೆ ಹಾಕಿದ್ದೆನು’ ಎಂದು ತಿಳಿಸಿದ್ದಾರೆ.