25 ವರ್ಷಗಳ ಹಿಂದೆ: 0–10–1997

l ಮಿಗ್‌: ಭಾರತ – ರಷ್ಯಾಜಂಟಿ ಯೋಜನೆ

ಮಾಸ್ಕೊ, ಅಕ್ಟೋಬರ್‌ 8 (ಪಿಟಿಐ)– ಅತ್ಯಾಧುನಿಕ ‘ಮಿಗ್‌–ಎಟಿ’ ಯುದ್ಧ ವಿಮಾನವನ್ನು ಜಂಟಿಯಾಗಿ ಉತ್ಪಾದಿಸುವ ರಷ್ಯಾದ ಆಹ್ವಾನಕ್ಕೆ ಭಾರತ ತನ್ನ ಒಪ್ಪಿಗೆ ಸೂಚಿಸಿತು.

ಜಂಟಿಯಾಗಿ ಯುದ್ಧವಿಮಾನ ತಯಾರಿಸುವ ಆಹ್ವಾನವನ್ನು ಮಿಗ್‌ ವಿಮಾನ ನಿರ್ಮಾಣ ಘಟಕದ ನಿರ್ದೇಶಕ ಗ್ರಿಗೊರಿ ನೆಮೊವ್‌, ರಕ್ಷಣಾ ಸಚಿವ ಮುಲಾಯಂ ಸಿಂಗ್‌ ಯಾದವ್‌ ಅವರಿಗೆ ನೀಡಿದರು. ಭಾರತ ಮತ್ತು ರಷ್ಯಾ ನಡುವಿನ ದೀರ್ಘಕಾಲದ ರಕ್ಷಣಾ ಸಹಕಾರ ಒಪ್ಪಂದದ ಹಿನ್ನೆಲೆಯಲ್ಲಿ ಭಾರತ ಈ ಆಹ್ವಾನ ವನ್ನು ಪರಿಗಣಿಸುವುದು ಎಂದು ಯಾದವ್‌ ಹೇಳಿದರು.