ಹೆಚ್ಚು ಬಸ್ ಓಡಿಸಿ

ಕುಂದು ಕೊರತೆಯಲ್ಲಿ ನೊಂದ ವಿದ್ಯಾರ್ಥಿಗಳು ಬರೆದಿರುವ ‘ಮಲ್ಲೇಶ್ವರಂ ಕಡೆಗೆ ಬಸ್ ಓಡಿಸಿ’ ಕೋರಿಕೆ ಸರಿಯಾಗಿದೆ. ನಾನು ಪ್ರತಿ ದಿನ ಮಹಾಲಕ್ಷ್ಮಿ ಲೇ ಔಟ್‌ನಿಂದ ಮಲ್ಲೇಶ್ವರಂ ಕಡೆಗೆ ಹೋಗಿ ಬರುತ್ತಿರುವ ಪ್ರಯಾಣಿಕ. ಹೀಗಾಗಿ ಅವರ ಸಮಸ್ಯೆ ಎಲ್ಲರದೂ ಹೌದು. ಮಹಾಲಕ್ಷ್ಮಿ ಲೇ ಔಟ್ ಹಾಗೂ ಅದರ ಹತ್ತಿರವಿರುವ ನಂದಿನಿ ಲೇ ಔಟ್‌ನಿಂದ ಮಲ್ಲೇಶ್ವರ ಮಾರ್ಗದಲ್ಲಿ ಹೋಗುವ - ಬರುವ 79 ಸಿ, 79 ಡಿ, 79 ಇ, 188, 189 (ಈ ವಿಷಯದಲ್ಲಿ ನೊಂದ ವಿದ್ಯಾರ್ಥಿಗಳು ಸೂಚಿಸಿರುವ ಮಾರ್ಗ ಸಂಖ್ಯೆ 79 ಮಾತ್ರ; ವಾಸ್ತವವಾಗಿ ಈ ಸಂಖ್ಯೆ ಹೊಂದಿರುವ ಬಸ್ ಆರಂಭವಾಗುವುದು ರಾಜಾಜಿನಗರದ ಒಂದನೆಯ ಬ್ಲಾಕ್‌ನಿಂದ) ಬಸ್‌ಗಳಲ್ಲಿ ಸೀಟ್ ಸಿಕ್ಕರೆ ದೊಡ್ಡ ಪುಣ್ಯ. ಆದ್ದರಿಂದ ಬಿಎಂಟಿಸಿಯವರು ಮಹಾಲಕ್ಷ್ಮಿ ಲೇ ಔಟ್ ಹಾಗೂ ನಂದಿನಿ ಲೇ ಔಟ್‌ಗಳಿಂದ ಮಲ್ಲೇಶ್ವರಕ್ಕೆ ಹೋಗಲು, ಅಲ್ಲಿಂದ ಬರಲು ಅನುಕೂಲವಾಗುವಂತೆ ಹೆಚ್ಚು ಸಂಖ್ಯೆಯ ಬಸ್ ಸಂಖ್ಯೆಗಳನ್ನು ಬಿಡಲು ಕೋರಿಕೆ.