ಸಿನಿಮಾ ಮಂದಿರವಲ್ಲ, ಕಲಾಕೇಂದ್ರ

ಬೆಂಗಳೂರು– ಮೈಸೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಇರುವ ಜಾನಪದ ಲೋಕ, ಎಚ್.ಎಲ್. ನಾಗೇಗೌಡರ ಕನಸಿನ ಕೂಸು. ಜಾನಪದ ಕಲೆಗಳ ಪರಿಚಯ, ಅವುಗಳ ಮಂಥನ, ವಸ್ತುಸಂಗ್ರಹಾಲಯದ ಜೊತೆಗೆ, ಕರ್ನಾಟಕದ ಸಾಂಸ್ಕೃತಿಕ ಸಂಪತ್ತಿನ ಜನಪದ ಕಲಾವೈಭವವನ್ನು ಇಂದಿನ ಪೀಳಿಗೆಗೆ ಪರಿಚಯಿಸುವ, ಪ್ರದರ್ಶಿಸುವ ಉದ್ದೇಶದಿಂದ ಅದನ್ನು ಸ್ಥಾಪಿಸಲಾಗಿದೆ.

ಕನ್ನಡ– ಸಂಸ್ಕೃತಿ ಇಲಾಖೆಯ ಅಡಿಯಲ್ಲಿ ಬರುವ ಜಾನಪದ ಲೋಕದ ಪ್ರವೇಶ ಶುಲ್ಕವನ್ನು ಮನರಂಜನೆ ನೀಡುವ ಸಿನಿಮಾ ಥಿಯೇಟರ್‌ಗಳಲ್ಲಿ ಏರಿಸುವಂತೆ ಏರಿಕೆ ಮಾಡಲಾಗಿದೆ. ಇದು ಸರಿಯಲ್ಲ. ಶುಲ್ಕ ದರವನ್ನು ಕಡಿಮೆ ಮಾಡಿ ಪ್ರವೇಶಕ್ಕೆ ಅವಕಾಶ ಕಲ್ಪಿಸಿಕೊಟ್ಟು, ಈ ಕಲಾಕೇಂದ್ರವನ್ನು ಉಳಿಸಲಿ, ಬೆಳೆಸಲಿ.

-ಚಿಕ್ಕಜೋಗಿಹಳ್ಳಿ ನಾಗರಾಜ್, ಹೊನ್ನಾಳಿ