ಆಷ್ಲೆ ಬಾರ್ಟಿಗೆ ಜಯಭೇರಿ

ಜುವಾಯ್‌: ಆಸ್ಟ್ರೇಲಿಯಾದ ಆಷ್ಲೆ ಬಾರ್ಟಿ ಗುರುವಾರ ಡಬ್ಲ್ಯುಟಿಎ ಎಲೈಟ್ ಟ್ರೋಫಿ ಸೆಮಿಫೈನಲ್ ಟೆನಿಸ್ ಟೂರ್ನಿಯಲ್ಲಿ   ಏಂಜಲಿಕ್ ಕೆರ್ಬರ್‌ಗೆ ಆಘಾತ ನೀಡಿದ್ದಾರೆ.

21 ವರ್ಷದ ಯುವ ಆಟಗಾರ್ತಿ ಬಾರ್ಟಿ ಕೇವಲ ಒಂದು ಗಂಟೆ 11 ನಿಮಿಷಗಳಲ್ಲಿ 6–3, 6–4ರಲ್ಲಿ ನೇರ ಸೆಟ್‌ಗಳಿಂದ ಕೆರ್ಬರ್‌ ಅವರನ್ನು ಮಣಿಸಿದರು.

ಇತರ ಪಂದ್ಯಗಳಲ್ಲಿ ಲಾಟ್ವಿಯಾದ ಅನಸ್ತಸಿಜಾ ಸೆವಾಸ್ತೊವಾ 6–3, 6–4ರಲ್ಲಿ ಜೆಕ್‌ ಗಣರಾಜ್ಯದ ಬಾರ್ಬರಾ ಸ್ಟ್ರೆಕೋವಾಗೆ ಸೋಲುಣಿಸಿದರು. ಅಮೆರಿಕದ ಕೊಕೊ ವಾಂಡ್‌ವೇಗ್ 6–3, 6–2ರಲ್ಲಿ ರಷ್ಯಾದ ಎಲೆನಾ ವೆಸ್ತಿನಾ ವಿರುದ್ಧ ಜಯಭೇರಿ ದಾಖಲಿಸಿದರು.