ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡದ ನಾಯಕ ಸ್ಥಾನ ತೊರೆದ ಗೌತಮ್ ಗಂಭೀರ್

ನವದೆಹಲಿ: ಗೌತಮ್ ಗಂಭೀರ್ ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡದ ನಾಯಕ ಸ್ಥಾನ ತೊರೆದಿದ್ದು, ಶ್ರೇಯಸ್ ಅಯ್ಯರ್‍‍ಗೆ ನಾಯಕ ಪಟ್ಟ ನೀಡಲಾಗಿದೆ.

ಈ ಬಾರಿಯ ಐಪಿಎಲ್ ಪಂದ್ಯಾವಳಿಯಲ್ಲಿ ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡದ ಪ್ರದರ್ಶನ ಕಳಪೆಯಾಗಿತ್ತು.

ನಾಯಕ ಸ್ಥಾನ ತೊರೆದಿರುವ ಬಗ್ಗೆ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಗಂಭೀರ್, ಇದು ನನ್ನ ನಿರ್ಧಾರ. ನನ್ನ ತಂಡಕ್ಕೆ ಹೆಚ್ಚಿನ ಸಹಕಾರ ನೀಡಲು ನನ್ನಿಂದ ಸಾಧ್ಯವಾಗಲಿಲ್ಲ. ಐಪಿಎಲ್ ಅಂಕಪಟ್ಟಿಯಲ್ಲಿ ನಮ್ಮ ತಂಡದ ಸ್ಥಾನ ಕೆಳಗಿರುವುದಕ್ಕೆ ನಾನೇ ಹೊಣೆ ಎಂದು ಹೇಳಿದ್ದಾರೆ.