ಬಾಕ್ಸಿಂಗ್: ಭಾರತಕ್ಕೆ ಎಂಟು ಪದಕ

ನವದೆಹಲಿ: ಭಾರತದ ಬಾಕ್ಸಿಂಗ್ ಪಟುಗಳು ಬಲ್ಗೇರಿಯಾದ ಬಾಲ್ಕನ್‌ನಲ್ಲಿ ಶನಿವಾರ ಮುಕ್ತಾಯವಾದ ಅಂತರರಾಷ್ಟ್ರೀಯ ಯೂತ್ ಬಾಕ್ಸಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ಎಂಟು ಪದಕಗಳನ್ನು ಗೆದ್ದರು.

ಅದರಲ್ಲಿ ನಾಲ್ಕು ಚಿನ್ನ,  ಒಂದು ಬೆಳ್ಳಿ ಮತ್ತು ಮೂರು ಕಂಚಿನ ಪದಕಗಳು ಸೇರಿವೆ.

ಯೂತ್ ಬಾಲಕಿಯರ ವಿಭಾಗದಲ್ಲಿ ನೀತು (48ಕೆ.ಜಿ), ಸಾಕ್ಷಿ (54 ಕೆ.ಜಿ), ಶಶಿ (57 ಕೆ.ಜಿ) ಮತ್ತು ನೇಹಾ ಯಾದವ್ (81 ಕೆ.ಜಿ. ಮೇಲಿನವರು) ಚಿನ್ನ ಗೆದ್ದರು. ಅಂಕುಶಿತಾ ಬೊರೊ (64 ಕೆ.ಜಿ) ಬೆಳ್ಳಿ ಪಡೆದರು.  ಜಾಯ್ ಕುಮಾರಿ (51ಕೆ.ಜಿ), ಸಪ್ನಾ (75 ಕೆ.ಜಿ) ಮತ್ತು ಅನುಪಮಾ (81 ಕೆ.ಜಿ. ಮೇಲಿನವರು) ಕಂಚು ಗಳಿಸಿದರು.