ಮಹಿಳಾ ಹಾಕಿ: ಡ್ರಾ ಪಂದ್ಯದಲ್ಲಿ ಭಾರತ

ಪರ್ತ್ (ಪಿಟಿಐ): ಭಾರತದ ಮಹಿಳೆಯರ ತಂಡದವರು ಲಾನ್ಸೊ ಅಂತರರಾಷ್ಟ್ರೀಯ ಸೂಪರ್ ಹಾಕಿ ಸರಣಿಯ ಶುಕ್ರವಾರದ ಪಂದ್ಯವನ್ನು 1-1 ಗೋಲಿನಿಂದ ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧ ಡ್ರಾ ಮಾಡಿಕೊಂಡರು.

ರಕ್ಷಣೆಗೆ ಒತ್ತು ನೀಡಿದ ಭಾರತದವರು ಸೋಲಿನ ಅಪಾಯದಿಂದ ತಪ್ಪಿಸಿಕೊಂಡರು. ಕಳೆದ ಶನಿವಾರ ಆಸ್ಟ್ರೇಲಿಯಾ ವಿರುದ್ಧ 5-0 ಗೋಲುಗಳ ಅಂತರದಿಂದ ಪರಾಭವಗೊಂಡಿದ್ದ ಭಾರತ ಸಾಕಷ್ಟು ಎಚ್ಚರಿಕೆ ವಹಿಸಿತು.

10ನೇ ನಿಮಿಷದಲ್ಲಿ ಆಶ್ಲೆಗ್ ನೆಲ್ಸನ್ ಶ್ರಮದಿಂದ ಆಸ್ಟ್ರೇಲಿಯಾ ಮುನ್ನಡೆ ಪಡೆಯಿತು. ಆದರೆ ಪಂದ್ಯದ ಐದು ನಿಮಿಷಗಳು ಮಾತ್ರ ಬಾಕಿ ಇದ್ದಾಗ ಭಾರತದ ಸೌಂದರ್ಯ ಯಾಂಡಾಲ್ ಅವರು ಗೋಲು ಅಂತರ ಸಮವಾಗುವಂತೆ ಮಾಡಿದರು.