ಮೊಬೈಲ್ ಫೋನದು ಎದುರಲಿ ಕಂಡರೆ
ಮನದಲಿ ಆಸೆಯು ಮೂಡುವುದು
ಮನವನು ಕೆಡಿಸುವ ಮಾಯಾ ಮೋಹಿನಿ
ನನಗೂ ಬೇಕೆಂದೆನಿಸುವುದು
ಗೂಗಲ್ ಫೇಸ್ಬುಕ್ ವಾಟ್ಸ್ಆ್ಯಪ್ ಎನ್ನುತ
ಮುಗಿಯದ ಆಸೆಯು ಚಿಗುರುವುದು
ಜಗವನು ಮರೆಸುತ ಮನವನು ಗೆಲ್ಲುತ
ನಗೆಯನು ಬೀರುತ ಹೊಳೆಯುವುದು
ನೋಡಿದ ಕೂಡಲೆ ಆಟವನಾಡಲು
ಬೇಡಿಕೆ ಬರುವುದು ಮನದಲ್ಲಿ
ನೋಡುತ ನೋಡುತ ಆಡುತಲಿರಲು
ಮೋಡಿ ಮಾಡುವುದು ಕ್ಷಣದಲ್ಲಿ
ಓದುಬರಹಗಳು ದೂರ ಉಳಿಯುವವು
ಹಾದಿ ತಪ್ಪುವುದು ದಿನಚರಿಯು
ಸಾಧನೆ ಮಾಡುವ ಗುರಿ ಅಳಿಯುವುದು
ವೇದನೆ ಮನಸಿಗೆ ಅನುದಿನವು
ಮೊಬೈಲ್ ಮಾರಿಯೆ ದೂರಕೆ ತೊಲಗು
ಮೈಮನಸುಗಳನು ಕೆಡಿಸದಿರು
ಕಲಿಯುವ ಆಸೆಯ ಕದಿಯುವ ಕಣ್ಮಣಿ
ಬಯಕೆಯ ಮನದಲಿ ತರಿಸದಿರು
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.