ಎನ್‌ಎಸ್‌ಇಯಲ್ಲಿ ಡಾಲರ್‌ ಇಂಡಸ್ಟ್ರೀಸ್‌

ಮುಂಬೈ: ದೇಶದ ಪ್ರಮುಖ ಸಿದ್ಧ ಉಡುಪು ತಯಾರಿಕಾ ಸಂಸ್ಥೆಯಾಗಿರುವ ಕೋಲ್ಕತ್ತದಲ್ಲಿ ಪ್ರಧಾನ ಕಚೇರಿ ಹೊಂದಿರುವ ಡಾಲರ್  ಇಂಡಸ್ಟ್ರೀಸ್‌ ಲಿಮಿಟೆಡ್‌, ರಾಷ್ಟ್ರೀಯ ಷೇರುಪೇಟೆಯಲ್ಲಿ (ಎನ್‌ಎಸ್‌ಇ) ವಹಿವಾಟು ಆರಂಭಿಸಿದೆ.

ವಹಿವಾಟು ಆರಂಭದ ದಿನ ಸಂಸ್ಥೆಯ ಷೇರು ಬೆಲೆ ₹ 1,314 ರಷ್ಟಿತ್ತು. ‘ದೇಶದ ಪ್ರಮುಖ ಷೇರುಪೇಟೆಯಲ್ಲಿ ವಹಿವಾಟು ಆರಂಭಿಸಿರುವುದು ಸಂಸ್ಥೆಯ ಇತಿಹಾಸದಲ್ಲಿ ಹೊಸ ಮೈಲಿಗಲ್ಲು ಆಗಿದೆ’ ಎಂದು ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ  ವಿನೋದ್‌ ಕುಮಾರ್‌ ಗುಪ್ತಾ ತಿಳಿಸಿದ್ದಾರೆ.   ಬ್ರ್ಯಾಂಡೆಡ್‌ ಸಿದ್ಧ ಉಡುಪುಗಳ ಮಾರುಕಟ್ಟೆಯಲ್ಲಿ ಸಂಸ್ಥೆ ಶೇ 15ರಷ್ಟು ಪಾಲು ಹೊಂದಿದೆ.