‘ಎನ್ಎಸ್ಇ’ಯಲ್ಲಿ 100ನೇ ‘ಎಸ್‌ಎಂಇ’ ವಹಿವಾಟು
ಮುಂಬೈ: ರಾಷ್ಟ್ರೀಯ ಷೇರುಪೇಟೆಯಲ್ಲಿ (ಎನ್ಎಸ್ಇ) ಸಣ್ಣ ಮತ್ತು ಮಧ್ಯಮ ಕೈಗಾರಿಕೆಗಳ (ಎಸ್‌ಎಂಇ) ವಹಿವಾಟಿಗೆ ಒದಗಿಸಿರುವ ಪ್ರತ್ಯೇಕ ವ್ಯವಸ್ಥೆಯಲ್ಲಿ ಸೇರ್ಪಡೆಯಾಗಿರುವ ಉದ್ದಿಮೆಗಳ ಸಂಖ್ಯೆ ಈಗ 100ಕ್ಕೆ ತಲುಪಿದೆ.
ಗ್ರಾಹಕ ಉತ್ಪನ್ನ, ಜವಳಿ, ಔಷಧಿ, ರಸಗೊಬ್ಬರ, ಮಾಹಿತಿ ತಂತ್ರಜ್ಞಾನ ಮತ್ತು ಸೇವಾ ಕ್ಷೇತ್ರಗಳಿಗೆ ಸೇರಿದ ಈ ‘ಎಸ್‌ಎಂಇ’ಗಳು ಪಾಲು ಬಂಡವಾಳ ರೂಪದಲ್ಲಿ ₹ 1,400 ಕೋಟಿ ಸಂಗ್ರಹಿಸಿವೆ. ಎಎನ್‍ಐ ಇಂಟಗ್ರೇಟೆಡ್ ಸರ್ವೀಸಸ್ ಲಿಮಿಟೆಡ್ ಕಂಪನಿಯು ವಹಿವಾಟು ಆರಂಭಿಸಿದ ನೂರನೇ ಕಂಪನಿಯಾಗಿದೆ.
ವಾಣಿಜ್ಯ ಸಚಿವ ಸುರೇಶ್‌ ಪ್ರಭು ಅವರು, 100ನೇ ‘ಎಸ್‌ಎಂಇ’ಯ ವಹಿವಾಟಿಗೆ ಚಾಲನೆ ನೀಡಿದ್ದಾರೆ.
‘ದೇಶಿ ಆರ್ಥಿಕತೆಯ ಬೆನ್ನೆಲುಬು ಆಗಿರುವ ಈ ವಲಯಕ್ಕೆ ಅಗತ್ಯ ಬೆಂಬಲ ನೀಡಿದರೆ ಆರ್ಥಿಕ ಬೆಳವಣಿಗೆಗೆ ಗಣನೀಯ ಕೊಡುಗೆ ನೀಡಲಿದೆ’ ಎಂದು ಅವರು ಹೇಳೀದರು.
ಎನ್‍ಎಸ್‍ಇನ ವ್ಯವಸ್ಥಾಪಕ ನಿರ್ದೇಶಕ ವಿಕ್ರಮ್ ಲಿಮಯೆ ಅವರುಉಪಸ್ಥಿತರಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.