ಸ್ವಾಮೀಜಿ ಹೇಳಿಕೆಗೆ ಖಂಡನೆ

ಹೂವಿನಹಡಗಲಿ: ಹುಬ್ಬಳ್ಳಿಯ ಲಿಂಗಾಯತ ಪ್ರತ್ಯೇಕ ಧರ್ಮದ ಸಮಾವೇಶದಲ್ಲಿ ಕೂಡಲಸಂಗಮ ಪಂಚಮಸಾಲಿ ಪೀಠದ ಜಯಮೃತ್ಯುಂಜಯ ಸ್ವಾಮೀಜಿ ವೀರಶೈವ ಲಿಂಗಾಯತರ ಕುರಿತು ಅವಹೇಳನಕಾರಿಯಾಗಿ ಮಾತನಾಡಿರುವುದು ಖಂಡನೀಯ ಎಂದು ಇಲ್ಲಿನ ವೀರಶೈವ ಲಿಂಗಾಯಿತ ಅನುಯಾಯಿಗಳು ತಿಳಿಸಿದ್ದಾರೆ.

ಸೋಮವಾರ ತಹಶೀಲ್ದಾರರಿಗೆ ಮನವಿ ಸಲ್ಲಿಸಿರುವ ಮುಖಂಡರು, ‘ಸಮಾವೇಶದಲ್ಲಿ ಭಾಗವಹಿಸಿದ್ದ ಜನರ ಓಲೈಕೆಗಾಗಿ ಜಯಮೃತ್ಯುಂಜಯ ಸ್ವಾಮೀಜಿ ವೀರಶೈವ ಲಿಂಗಾಯತ ಸಮಾಜದ 99 ಉಪ ಪಂಗಡದ ಅನುಯಾಯಿಗಳ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದಿರುವುದು ಖಂಡನೀಯ‘ ಎಂದು ತಿಳಿಸಿದ್ದಾರೆ.

ಎಸ್.ಎಂ.ಬಸವರಾಜ್, ಎಂ.ಪಿ.ಎಂ.ಮಂಜುನಾಥ, ಎಂ.ಪಿ.ಎಂ.ವಾಗೀಶ್, ಬಿ.ಮಲ್ಲಯ್ಯ, ಎ.ಎಂ.ಶಾಂತಯ್ಯ, ಪಕ್ಕೀರಗೌಡ್ರು, ಎಚ್.ಎಂ.ಶಶಿಧರ, ನವಲಿ ಶಿವಕುಮಾರ್ ಇದ್ದರು.