ಅಕ್ರಮ ನಡೆದಿಲ್ಲ: ಎಂ.ಬಿ.ಪಾಟೀಲ

ಬಿಜೆಪಿ ರಾಜ್ಯ ಅಧ್ಯಕ್ಷ ಬಿ.ಎಸ್‌. ಯಡಿಯೂರಪ್ಪ ರಾಜಕೀಯ ಲಾಭ ಮಾಡಿಕೊಳ್ಳಲು ಇಲ್ಲಸಲ್ಲದ ಆರೋಪ ಮಾಡಿದ್ದಾರೆ.  ಅವರ ಆರೋಪದಲ್ಲಿ ಯಾವುದೇ ಹುರಳಿಲ್ಲ ಎಂದು ಪಾಟೀಲರು ಬುಧವಾರ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.

 

ಈ ಕಾಮಗಾರಿಗೆ ಸಂಪುಟದ ಒಪ್ಪಿಗೆ ದೊರಕಿದ ಬಳಿಕವೇ  ಟೆಂಡರ್‌  ಕರೆಯಲಾಗುವುದು ಎಂದು ಅವರು ಹೇಳಿದರು.

****
ಜಿಂದಾಲ್‌ಗೆ 0.06 ಟಿ.ಎಂ.ಸಿ ಅಡಿ ನೀರು
ಜಿಂದಾಲ್‌ ಕಂಪೆನಿ 90 ಕ್ಯುಸೆಕ್‌ ನೀರು ಕೇಳಿತ್ತು. ಜನರ ಕುಡಿಯುವ ನೀರಿನ ಬೇಡಿಕೆ ಮತ್ತು ವಿದ್ಯುತ್ ಘಟಕಗಳ ಅಗತ್ಯದ ದೃಷ್ಟಿಯಿಂದ,ನಾರಾಯಣಪುರ ಜಲಾಶಯದಿಂದ ಪ್ರತಿದಿನ ಸುಮಾರು 25 ಕ್ಯುಸೆಕ್‌ ನೀರು ಬಿಡಲು ಇದೇ 8 ರಂದು ನಿರ್ಧರಿಸಲಾಗಿತ್ತು. ಇದರ ಪ್ರಮಾಣ ಒಂದು ತಿಂಗಳಿಗೆ 0.06 ಟಿ.ಎಂ.ಸಿ ಅಡಿ ಆಗಬಹುದು ಎಂದು ಅಂದಾಜು ಮಾಡಲಾಗಿದೆ ಎಂದರು.