ಕುಡಿದ ನಶೆಯಲ್ಲಿ ಮಧ್ಯರಾತ್ರಿ ನೃತ್ಯ ಮಾಡಿದ ಯುವತಿಯ ವಿಡಿಯೊ ವೈರಲ್‌

ಬೆಂಗಳೂರು: ಮದ್ಯ ಸೇವಿಸಿದ್ದ  ಯುವತಿಯೊಬ್ಬರು ಮಧ್ಯರಾತ್ರಿ  ಗಲಾಟೆ ಮಾಡಿ ನೃತ್ಯ ಮಾಡಿರುವ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.

ಬೆಂಗಳೂರಿನ ಬಿಟಿಎಂ ಲೇಔಟ್‌ನಲ್ಲಿ ಭಾನುವಾರ ರಾತ್ರಿ ಈ ಘಟನೆ ನಡೆದಿದೆ.

ಕಂಠಪೂರ್ತಿ ಕುಡಿದಿದ್ದ  ಯುವತಿ ರಸ್ತೆ ಮಧ್ಯೆ ಕಾರು ನಿಲ್ಲಿಸಿ ನೃತ್ಯ ಮಾಡಿದ್ದಾರೆ. ಹಾಗೇ ದಾರಿಯಲ್ಲಿ ಬರುವ ಸಾರ್ವಜನಿಕರೊಂದಿಗೆ ಗಲಾಟೆ ಮಾಡಿದ್ದಾರೆ.

ಕುಡಿದ ನಶೆ ಇಳಿಯುವವರೆಗೂ ಬೀದಿಯಲ್ಲೇ ಮಲಗಿದ್ದ ಯುವತಿ ಮುಂಜಾನೆ ಮನೆಗೆ ತೆರಳಿದ್ದಾರೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.