ಕೆಎಎಸ್‌ ಪಾಸು ಮಾಡಿದ ಶಿಕ್ಷಕಿ

ಹೊಸಕೋಟೆ: ತಾಲ್ಲೂಕಿನ ಬೆಳವಂಗಲ  ಸರ್ಕಾರಿ ಪ್ರಾಥಮಿಕ ಶಾಲೆಯ ಶಿಕ್ಷಕಿ ಶಿರೀನ್ ತಾಜ್ ಕೆಎಎಸ್‌ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ.

ಮೈಸೂರು ವಿಶ್ವವಿದ್ಯಾಲಯದಲ್ಲಿ ಬಿ.ಎ, ಬಿ.ಇಡಿ ಪದವಿ ಪಡೆದ ಅವರು, 2002ರಲ್ಲಿ ಹಾವೇರಿ ಜಿಲ್ಲೆಯ ಕನವಳ್ಳಿಯ ಶಾಲೆಗೆ ಶಿಕ್ಷಕಿಯಾಗಿ ನಿಯೋಜನೆಗೊಂಡರು.

2006ರಲ್ಲಿ ತಾಲ್ಲೂಕಿನ ಬೆಳವಂಗಲ ಶಾಲೆಗೆ ವರ್ಗಾವಣೆಗೊಂಡರು.  ಶಿರೀನ್ ಅವರ ಪತಿ ಮಹಮದ್ ಇರ್ಫಾನ್ ಅಜಂ ಇಲ್ಲಿನ ಖಾಸಗಿ ಆಸ್ಪತ್ರೆಯೊಂದರ ಉದ್ಯೋಗಿ.