ಬೆಂಗಳೂರು: ಸಂಚಾರ ದಟ್ಟಣೆ ತಗ್ಗಿಸುವ ಮತ್ತು ಎಲೆಕ್ಟ್ರಾನಿಕ್ ಸಿಟಿಯ ಐಟಿ ಕಂಪೆನಿಗಳ ಉದ್ಯೋಗಿಗಳು ಹಾಗೂ ಸಾರ್ವಜನಿಕರ ಅನುಕೂಲಕ್ಕಾಗಿ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆಯು (ಬಿಎಂಟಿಸಿ) ನೈಸ್ ರಸ್ತೆ ಮೂಲಕ ಎಲೆಕ್ಟ್ರಾನಿಕ್ ಸಿಟಿಗೆ ಬಸ್ ಸೇವೆಯನ್ನು ಆರಂಭಿಸಿದೆ.
ಬಸ್ ದಿನಾಚರಣೆ ಅಂಗವಾಗಿ ಬುಧವಾರ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಸಾರಿಗೆ ಸಚಿವ ರಾಮಲಿಂಗಾರೆಡ್ಡಿ ಅವರು ನೈಸ್ ರಸ್ತೆ ಮೂಲಕ ಸಂಚರಿಸುವ ನೂತನ ಬಸ್ ಸೇವೆಗೆ ಚಾಲನೆ ನೀಡಿದರು.
ನೈಸ್ ರಸ್ತೆಯಲ್ಲಿ ಬಿಎಂಟಿಸಿ ಬಸ್ಗಳ ಸಂಚಾರಕ್ಕೆ ಅವಕಾಶ ಕಲ್ಪಿಸಿರುವುದರಿಂದಾಗಿ ಸಾರ್ವಜನಿಕರಿಗೆ ಹೆಚ್ಚಿನ ಅನುಕೂಲವಾಗಲಿದೆ. ನೂತನ ಬಸ್ಗಳು ನೈಸ್ ರಸ್ತೆ ಮೂಲಕ ಸಂಚರಿಸಿ ಎಲೆಕ್ಟ್ರಾನಿಕ್ 1ಮತ್ತು 2ನೇ ಹಂತ ತಲುಪಲಿವೆ. ಆರು ಬಸ್ಗಳು 42 ಟ್ರಿಪ್ ಸಂಚರಿಸಲಿವೆ.
ಎಲ್ಲಿಂದ ಸಂಚಾರ: ಜಯದೇವ (ಮಾರ್ಗ ಸಂಖ್ಯೆ–ನೈಸ್ 1), ಬನಶಂಕರಿ (ನೈಸ್–2), ಶ್ರೀನಗರ (ನೈಸ್–3), ವಿಜಯನಗರ ಟಿಟಿಎಂಸಿ (ನೈಸ್–4), ಬಿಇಎಂಎಲ್ 5ನೇ ಹಂತ (ನೈಸ್–5), ಸುಮನಹಳ್ಳಿ (ನೈಸ್–6), ಯಶವಂತಪುರ ಟಿಟಿಎಂಸಿ (ನೈಸ್–7), ವಿಜಯನಗರ ಟಿಟಿಎಂಸಿ (ವೋಲ್ವೊ–600ಎನ್ಎಲ್) ಮತ್ತು ಬಸವೇಶ್ವರನಗರ (ವೋಲ್ವೊ–600ಎನ್ಎಲ್)ದಿಂದ ಬಸ್ಗಳು ಕಾರ್ಯಾಚರಣೆ ನಡೆಸಲಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.