ವಿಶ್ವಶಾಂತಿ ಧಾರ್ಮಿಕ ಪ್ರವಚನ

ಬೆಂಗಳೂರು: ಕ್ರೈಸ್ತ ಮತ ಪ್ರಚಾರಕ ಡಾ.ಪಾಲ್‌ ದಿನಕರನ್‌ ಅವರು ‘ಏಸು ಕರೆಯುತ್ತಾನೆ’ ಎಂಬ ಬೃಹತ್‌ ಪ್ರಾರ್ಥನಾ ಸಭೆಯನ್ನು ಅರಮನೆ ಮೈದಾ­ನದ ತ್ರಿಪುರವಾಸಿನಿ ಸಭಾಂಗಣದಲ್ಲಿ ಆಯೋಜಿಸಿದ್ದಾರೆ. ಶುಕ್ರವಾರ ಆರಂಭವಾದ ಈ ಕಾರ್ಯಕ್ರಮ ಭಾನುವಾರದವರೆಗೆ (ಅ.26) ನಡೆಯಲಿದೆ.

ಮೊದಲ ದಿನದ ಕಾರ್ಯಕ್ರಮದಲ್ಲಿ ಹೆಚ್ಚಿನ ಸಂಖ್ಯೆಯ ಜನರು ಭಾವೋನ್ಮಾ­ದದಿಂದ ಪ್ರವಚನ ಆಲಿಸಿದರು. ಸಚಿವ ದಿನೇಶ್‌ ಗುಂಡೂರಾವ್‌ ಅವರು  ಸಹ ಸಭೆಯಲ್ಲಿ ಭಾಗವಹಿಸಿ­ದ್ದರು. ಶನಿವಾರ ಮುಖ್ಯಮಂತ್ರಿ ಸಿದ್ದರಾ­ಮಯ್ಯ ಅವರು ಈ ಸಭೆಗೆ ಬರಲಿದ್ದಾರೆ.
ವಿಶ್ವಶಾಂತಿಗಾಗಿ ಹಾಗೂ ಸರ್ವರ ಒಳಿತಿಗಾಗಿ ಈ ಪ್ರಾರ್ಥನಾ ಸಭೆ ಏರ್ಪ­ಡಿಸ­ಲಾಗಿದೆ. ಮತಾಂತರದ ಉದ್ದೇಶ ಇಲ್ಲ ಎಂದು ಪ್ರಾರ್ಥನಾ ಸಮಿತಿ ಹೇಳಿದೆ.

ಪಾಲ್‌ ಅವರು ತಾಯಿ ಸ್ಟೆಲ್ಲಾ ದಿನಕರನ್‌, ಪತ್ನಿ ಇವಾಂಜೆಲಿಯನ್ ದಿನಕರನ್ ಹಾಗೂ ಪುತ್ರರಾದ ಸ್ಯಾಮ್, ಶರೊನ್ ಮತ್ತು ಸ್ಟೀಟಿ ಅವರೊಂದಿಗೆ ಧಾರ್ಮಿಕ ಪ್ರವಚನ ನೀಡಲಿದ್ದಾರೆ ಎಂದು ಸಮಿತಿ ಹೇಳಿದೆ.