ಸ್ಫೋಟ ಪ್ರಕರಣ ಸಿಗದ ಜಾಮೀನು

ನವದೆಹಲಿ:  ಬೆಂಗಳೂರಿನ ಮಲ್ಲೇಶ್ವರಂನಲ್ಲಿರುವ ಬಿಜೆಪಿ ಕಚೇರಿ ಎದುರು 2013ರಲ್ಲಿ ಸಂಭವಿಸಿದ್ದ ಬಾಂಬ್‌ ಸ್ಫೋಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧನದಲ್ಲಿರುವ  ಆರೋಪಿ ಬಷೀರ್‌ಗೆ ಜಾಮೀನು ನೀಡಲು ಸುಪ್ರೀಂ ಕೋರ್ಟ್‌ ಮಂಗಳವಾರ ನಿರಾಕರಿಸಿತು.

ತಮಿಳುನಾಡಿನ ನಿಷೇಧಿತ ಅಲ್‌– ಉಮ್ಮಾ ಸಂಘಟನೆಗೆ ಸೇರಿರುವ ಪ್ರಮುಖ ಆರೋಪಿಗೆ ಸಿಮ್‌ ಕಾರ್ಡ್‌ ಒದಗಿಸಿದ್ದ ಆರೋಪವು ತಿರುನಲ್ವೇಲಿಯ ಬಷೀರ್‌ ಮೇಲಿದೆ. ಅಲ್ಲದೆ, ಈತನೂ ಪ್ರತ್ಯೇಕವಾಗಿ ಬಾಂಬ್‌ ಸ್ಫೋಟಿಸುವ ಸಂಚು ರೂಪಿಸಿದ್ದ ಆರೋಪ ಎದುರಿಸುತ್ತಿದ್ದು, ರಾಜ್ಯ ಹೈಕೋರ್ಟ್ ಕಳೆದ ಜನವರಿ 5ರಂದು ಜಾಮೀನು ನಿರಾಕರಿಸಿತ್ತು.