ತರೀಕೆರೆಯಲ್ಲಿ ಮಳೆ

ತರೀಕೆರೆ: ಪಟ್ಟಣದಲ್ಲಿ ಗುರುವಾರ ಬೆಳಿಗ್ಗೆಯಿಂದಲೇ ಮೋಡ ಕವಿದ ವಾತವರಣ ಉಂಟಾಗಿದ್ದು 12 ಗಂಟೆಯಲ್ಲಿ  45 ನಿಮಿಷಕ್ಕೂ ಹೆಚ್ಚು ಕಾಲ ಧಾರಾಕಾರ ಮಳೆಯಾಯಿತು.
ಅಮರತಾಪುರ ಹೋಬಳಿಯಲ್ಲಿ ತುಂತುರು ಮಳೆಯಾಗಿದೆ. ಬುಧವಾರ ತಡ ರಾತ್ರಿ ಸುಮಾರು 7ಗಂಟೆಗೆ ಲಿಂಗದಹಳ್ಳಿ ಹೋಬಳಿಯ ಕೆಲ ಭಾಗದಲ್ಲಿ ಒಂದೂವರೆ ತಾಸು ಸಮಯಕ್ಕೂ ಹೆಚ್ಚು ಮಳೆಯಾಗಿ ರಸ್ತೆಗಳಲ್ಲಿ ನೀರು ಹರಿದಿದೆ.

ಲಕ್ಕವಳ್ಳಿ ಹೋಬಳಿಯಲ್ಲಿ ರಾತ್ರಿ 8 ಗಂಟೆಯಿಂದ ಮುಂಜಾನೆ ನಾಲ್ಕು ಗಂಟೆಯವರೆಗೂ ಹದವಾದ ಮಳೆಯಾಗಿದೆ. ಮಳೆ ಮುಗಿದೇ ಹೋಯಿತು ಎಂಬ ಬೇಸರದಲ್ಲಿದ್ದ ಜನತೆಗೆ  ನಿಟ್ಟುಸಿರು ಬಿಟ್ಟಂತಾಗಿದೆ.