ಮೆಣಸಿನಕಾಯಿ ಆವಕ ಹೆಚ್ಚು: ಗುಣಮಟ್ಟದ ಕೊರತೆ

ಬ್ಯಾಡಗಿ: ಪಟ್ಟಣದ ಕೃಷಿ ಉತ್ಪನ್ನ ಮಾರುಕಟ್ಟೆಗೆ ಸೋಮವಾರ ಒಟ್ಟು 15,601 ಚೀಲ (4,680 ಕ್ವಿಂಟಲ್‌) ಮೆಣಸಿನಕಾಯಿ ಆವಕವಾಗಿದೆ. ಈ ಪೈಕಿ ಗುಂಟೂರು ತಳಿಯ ಪ್ರಮಾಣ ಹೆಚ್ಚಿದ್ದು, ಗುಣಮಟ್ಟದ ಕೊರತೆ ಕಂಡು ಬರುತ್ತಿದೆ.

ಬ್ಯಾಡಗಿ ಕಡ್ಡಿ  ₹2,099 ರಿಂದ ₹13,350ರ ವರೆಗೆ, ಬ್ಯಾಡಗಿ ಡಬ್ಬಿ ₹2,509 ರಿಂದ ₹ 16,499ರ ವರೆಗೆ ಹಾಗೂ ಗುಂಟೂರು ₹ 709 ರಿಂದ ₹ 7,669ರ ವರೆಗೆ ಮಾರಾಟವಾಗಿದೆ.

ಮಾರುಕಟ್ಟೆಯ 143 ದಲಾಲಿ ಅಂಗಡಿಗಳಿಗೆ ಒಟ್ಟು 2,492 ಲಾಟ್‌ ಮೆಣಸಿನಕಾಯಿ ಚೀಲಗಳನ್ನು ಇಳಿಸಲಾಗಿದೆ. ಟೆಂಡರ್‌ ಪ್ರಕ್ರಿಯೆಯಲ್ಲಿ 145 ಖರೀದಿ ವರ್ತಕರು ಭಾಗವಹಿಸಿದ್ದು, ಗುಣಮಟ್ಟದ ಕೊರತೆ ಇರುವ 143 ಲಾಟ್‌ಗಳಿಗೆ ಟೆಂಡರ್‌ ನಿರಾಕರಿಸಲಾಗಿದೆ ಎಂದು ಮಾರುಕಟ್ಟೆಯ ಮೂಲಗಳು ‘ಪ್ರಜಾವಾಣಿ’ಗೆ ತಿಳಿಸಿವೆ.