ಕೊಡಗಿನಲ್ಲಿ ಮಳೆ; ಕಾವೇರಿ ಹರಿವು ಏರಿಕೆ

ನಾಪೋಕ್ಲು: ಹೋಬಳಿ ವ್ಯಾಪ್ತಿಯಲ್ಲಿ ಗುರಾವರ ಬಿರುಸಿನ ಮಳೆ ಸುರಿಯಿತು. ಒಂದು ಗಂಟೆ ಕಾಲ ಸುರಿದ ಮಳೆಗೆ ಕೆರೆ, ತೋಡುಗಳು ತುಂಬಿದವು. ಕೊಟ್ಟಮುಡಿ, ಪಾಲೂರು, ಹೊದ್ದೂರು, ಬೆಟ್ಟಗೇರಿ ವ್ಯಾಪ್ತಿಯಲ್ಲಿ ಗುಡುಗು ಸಹಿತ ಮಳೆ ಸುರಿಯಿತು.

ನಿರಂತರವಾಗಿ ಸುರಿದ ಮಳೆಯಿಂದ ಸಮೀಪದ ಕೊಟ್ಟಮುಡಿಯ ಕಾವೇರಿ ನದಿ ನೀರಿನ ಹರಿವಿನಲ್ಲಿ ಹೆಚ್ಚಳ ಕಂಡು ಬಂತು. ಹಲವು ದಿನಗಳಿಂದ ಮಳೆ ಇಳಿಮುಖಗೊಂಡಿದ್ದು ಗುರುವಾರ ಸುರಿದ ಮಳೆ ಕೃಷಿಕರಲ್ಲಿ ಭರವಸೆ ಮೂಡಿಸಿದೆ.