ಖಾಸಗೀಕರಣ ಹುನ್ನಾರ; ಶಾಸಕ ಆರೋಪ

ಸರಸ್ವತಿಪುರಂನಲ್ಲಿರುವ ಪ್ರಾದೇಶಿಕ ದೂರಸಂಪರ್ಕ ತರಬೇತಿ ಕೇಂದ್ರದಲ್ಲಿ ಅಖಿಲ ಭಾರತ ಅಂಚೆ ನೌಕರರ ಸಂಘಗಳು ಭಾನುವಾರ ಏರ್ಪಡಿಸಿದ್ದ 37ನೇ ಜಂಟಿ ದ್ವೈವಾರ್ಷಿಕ ಅಧಿವೇಶನ ಉದ್ಘಾಟಿಸಿ ಅವರು ಮಾತನಾಡಿದರು.

 

ಭಾರತ್‌ ಅರ್ಥ್‌ ಮೂವರ್‌್ಸ ಪ್ರೈವೇಟ್‌ ಲಿಮಿಟೆಡ್‌ (ಬಿಇಎಂಎಲ್‌) ಲಕ್ಷ ಕೋಟಿಗೂ ಅಧಿಕ ಆಸ್ತಿ ಹೊಂದಿದೆ. ಆದರೆ, ಇದನ್ನು ₹ 2 ಸಾವಿರ ಕೋಟಿಗೆ ಖಾಸಗಿಯವರಿಗೆ ಮಾರಾಟ ಮಾಡಲು ಕೇಂದ್ರ ಸರ್ಕಾರ ಮುಂದಾಗಿದೆ. ಸರ್ಕಾರಿ ಸ್ವಾಮ್ಯದ ಹಲವು ಉದ್ಯಮಗಳ ಆಸ್ತಿಯ ಮೇಲೆ ಬಂಡವಾಳಶಾಹಿಗಳ ಕಣ್ಣು ಬಿದ್ದಿದೆ ಎಂದರು.

 

 ಒಂದು ಕಾಲದಲ್ಲಿ ಅಂಚೆ ಇಲಾಖೆ ಅಗ್ರಮಾನ್ಯವಾಗಿತ್ತು. ಟೆಲಿಗ್ರಾಫ್‌ ಮತ್ತು ಪತ್ರಗಳಿಗಾಗಿ ಕಾತುರರಾಗಿದ್ದರು. ಕಾಲ ಕಳೆದಂತೆ ಇಲಾಖೆ ತಂತ್ರಜ್ಞಾನ ಅಳವಡಿಸಿಕೊಂಡು ಬದಲಾವಣೆಗೆ ಹೊಂದಿಕೊಂಡಿದೆ. ಆದರೂ ಕೇಂದ್ರ ಸರ್ಕಾರ ಮಾತ್ರ ಅಂಚೆ ಇಲಾಖೆಯನ್ನು ಕಡಗಣಿಸಿದೆ. ನೌಕರರಿಗೆ ಸರಿಯಾದ ಸವಲತ್ತು ನೀಡದೆ ದೌರ್ಜನ್ಯ ನಡೆಸುತ್ತಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
 

ಕಾರ್ಪೊರೇಟ್‌ ಕಂಪೆನಿಗಳ ಅನು ಕೂಲಕ್ಕೆ ತಕ್ಕಂತೆ ನೀತಿಗಳು ರೂಪು ಗೊಳ್ಳುತ್ತಿವೆ. ಸುಳ್ಳನ್ನು ನೂರು ಬಾರಿ ಹೇಳಿ ಸತ್ಯವನ್ನಾಗಿಸುವ ತಂತ್ರಗಾರಿಕೆ ಮೋದಿ ಅವರಿಗೆ ಕರಗತವಾಗಿದೆ. ಜನ ಸಾಮಾನ್ಯರು, ಕೆಳವರ್ಗದ ನೌಕರರು ತುಳಿತಕ್ಕೆ ಒಳಗಾಗುತ್ತಿದ್ದಾರೆ ಎಂದರು.
 

ಶಾಸಕ ಸಾ.ರಾ.ಮಹೇಶ್‌, ಕರ್ನಾ ಟಕ ಗ್ರಾಮೀಣ ಮೂಲ ಸೌಕರ್ಯಗಳ ಅಭಿವೃದ್ಧಿ ನಿಗದ ನಿರ್ದೇಶಕ ಕೆ.ಎಸ್‌. ಧರ್ಮೇಂದ್ರ, ಹಿರಿಯ ಅಂಚೆ ಅಧೀಕ್ಷಕ ಡಿ.ಶಿವಯ್ಯ, ಕೆ.ಎಚ್‌.ಸಂಜೀವಶೆಟ್ಟಿ, ಜವರಾಯಿಗೌಡ, ಎಚ್‌.ಚಂದ್ರಶೇಖರ್‌, ಮಲ್ಲಿಕಾರ್ಜುನ, ಎಚ್‌.ಆರ್‌.ಈಶ್ವರಪ್ಪ, ಬಿ.ಆರ್‌.ಜಗದೀಶ್‌ ಇದ್ದರು.