ಎರಡನೇ ಸಲ ಗುರುಪ್ರಸಾದ್ ನಿರ್ದೇಶನ ಮತ್ತು ಧನಂಜಯ ಮುಖ್ಯಭೂಮಿಕೆಯಲ್ಲಿರುವ ಈ ಚಿತ್ರವನ್ನು ಯೋಗೇಶ್ ನಾರಾಯಣ್ ನಿರ್ಮಿಸಿದ್ದಾರೆ. ಸಂಗೀತಾ ಭಟ್ ಚಿತ್ರದ ನಾಯಕಿ. ಹಿರಿಯ ನಟಿ ಲಕ್ಷ್ಮಿ ತಾಯಿಯ ಪಾತ್ರದಲ್ಲಿ ನಟಿಸಿದ್ದಾರೆ. ಅನೂಪ್ ಸೀಳಿನ್ ಸಂಗೀತ, ಸಾಮ್ರಾಟ್ ಛಾಯಾಗ್ರಹಣ, ಕೆಂಪರಾಜ್ ಸಂಕಲನ ಹಾಗೂ ಡಿಫರೆಂಟ್ ಡ್ಯಾನಿ ಸಾಹಸ ಚಿತ್ರಕ್ಕಿದೆ.
**
ಜಿಲೇಬಿ
ಪೂಜಾ ಗಾಂಧಿ ನಟನೆಯ ಈ ಚಿತ್ರವನ್ನು ಲಕ್ಕಿ ಶಂಕರ್ ನಿರ್ದೇಶಿಸಿದ್ದಾರೆ. ಎಂ.ಆರ್. ಸೀನು ಛಾಯಾಗ್ರಾಹಣ, ಜೇಮ್ಸ್ ಆರ್ಕಿಟೆಕ್ಟ್ ಸಂಗೀತ ನಿರ್ದೇಶನ, ರವಿ ಸಂಕಲನವಿರುವ ಈ ಚಿತ್ರದಲ್ಲಿ ಯಶಸ್ ಸೂರ್ಯ, ನಾಗೇಂದ್ರ ಹಾಗೂ ವಿಜಯ್ ಚೆಂಡೂರ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಶಿವ ಕಬ್ಬಿನ್ ಅವರ ಜೊತೆ ಲಕ್ಕಿ ಶಂಕರ್ ನಿರ್ಮಾಣದಲ್ಲೂ ಕೈ ಜೋಡಿಸಿದ್ದಾರೆ.
**
1/4 ಕೇಜಿ ಪ್ರೀತಿ
ಸತ್ಯ ಶೌರ್ಯ ಸಾಗರ್ ನಿರ್ದೇಶನದ ಈ ಸಿನಿಮಾದಲ್ಲಿ ವಿಹಾನ್ ಮತ್ತು ಹಿತಾ ಚಂದ್ರು ಮುಖ್ಯಭೂಮಿಕೆಯಲ್ಲಿದ್ದಾರೆ. ಎ.ಬಿ. ರಾಜೀವ್ ನಿರ್ಮಾಣ ಮಾಡಿದ್ದಾರೆ. ಆರ್.ಕೆ. ಶಿವಕುಮಾರ್ ಛಾಯಾಗ್ರಹಣ, ಅರ್ಜುನ್ ಸಂಕಲನ ಇದೆ. ಚೇತನ್ ಸೋಸ್ಕ ನಿರ್ದೇಶಿಸಿರುವ ಸಂಗೀತಕ್ಕೆ ಯೋಗರಾಜ್ ಭಟ್ ಮತ್ತು ಜಯಂತ ಕಾಯ್ಕಿಣಿ ಹಾಡುಗಳನ್ನು ಬರೆದಿದ್ದಾರೆ.
**
ರೂಪ
ನೆಲ್ಸನ್ ರಾಜನ್ ಸ್ವತಃ ಕಥೆ ಬರೆದು ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಆಂಟೋನಿ ಕಮಲ್ ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶನ ಮಾಡಿದ್ದಾರೆ. ಪವನ್ ಕುಮಾರ್ ಛಾಯಾಗ್ರಹಣ, ಮ್ಯಾಥ್ಯೂ ಸಂಗೀತ, ಗೋಪಿನಾಥ್ ಸಂಕಲನ ಚಿತ್ರಕ್ಕಿದೆ. ಶೋಭರಾಜ್, ರೇಖಾ ವಿ. ಕುಮಾರ್, ಮಮತಾ ರಾಹುತ್, ಆಂಟೋನಿ ಕಮಲ್ ಮುಂತಾದವರು ಚಿತ್ರದಲ್ಲಿದ್ದಾರೆ.