ಬಾಹುಬಲಿ–2ರಲ್ಲಿ ಶಾರುಕ್‌ ಇಲ್ಲ!

ಮುಂಬೈ: ಬಹು ನಿರೀಕ್ಷಿತ ಸಿನಿಮಾ ‘ಬಾಹುಬಲಿ–2’ ಅಂತಿಮ ಭಾಗದಲ್ಲಿ ಶಾರುಕ್‌ ಖಾನ್‌ ಯಾವುದೇ ಪಾತ್ರದಲ್ಲಿ ಕಾಣಿಸಿಕೊಂಡಿಲ್ಲ ಎಂಬ ಸುದ್ದಿ  ಕಿಂಗ್‌ಖಾನ್‌ ಅಭಿಮಾನಿಗಳಲ್ಲಿ ಬೇಸರ ಮೂಡಿಸಿದೆ.

ಎಸ್‌.ಎಸ್‌.ರಾಜಮೌಳಿ ನಿರ್ದೇಶನದ ಬಾಹುಬಲಿ–2 ಚಿತ್ರದಲ್ಲಿ ಶಾರುಕ್‌ ಖಾನ್‌ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಕುರಿತು ಫೋಟೋ ಸಹಿತ ಸುದ್ದಿ ಹರಿದಾಡಿತ್ತು. ಆದರೆ, ಇದು ‘ಸುಳ್ಳು ಸುದ್ದಿ’ ಎನ್ನುವ ಮೂಲಕ ಬಾಹುಬಲಿ ಚಿತ್ರತಂಡ ಚರ್ಚೆಗೆ ತೆರೆಯೆಳೆದಿದೆ.