ವಿಚ್ಛೇದನ ಪಡೆದ ನಟ ಫರ್ಹಾನ್ ಅಖ್ತರ್

ಮುಂಬೈ: ಬಾಲಿವುಡ್ ನಟ ಹಾಗೂ ನಿರ್ಮಾಪಕ  ಫರ್ಹಾನ್‌  ಅಖ್ತರ್‌ ಮತ್ತು ಕೇಶ ವಿನ್ಯಾಸಕಿ ಅಧುನಾ ಭಬಾನಿ ಅವರಿಗೆ ವಿಚ್ಛೇದನ ದೊರೆತಿದೆ. ಇಲ್ಲಿನ ಸ್ಥಳೀಯ  ಕೌಟುಂಬಿಕ ನ್ಯಾಯಾಲಯ ಮಂಗಳವಾರ ವಿಚ್ಛೇದನ ನೀಡಿದೆ.

2016ರ ಆಕ್ಟೋಬರ್ ತಿಂಗಳಲ್ಲಿ ಈ ಜೋಡಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿತ್ತು.  ಇವರಿಗೆ ಶಾಕ್ಯ ಮತ್ತು ಅಕಿರಾ ಎಂಬ ಇಬ್ಬರು ಹೆಣ್ಣು ಮಕ್ಕಳಿದ್ದು  ಅವರು ತಾಯಿಯ ಪೋಷಣೆಯಲ್ಲಿ ಬೆಳೆಯಲಿದ್ದಾರೆ ಎಂದು ನ್ಯಾಯಾಲಯ ತಿಳಿಸಿದೆ.

ಫರ್ಹಾನ್‌  ಅಖ್ತರ್‌ ಮತ್ತು ಅಧುನಾ ಭಬಾನಿ ಪರಸ್ಪರ ಮೆಚ್ಚಿ 2000ನೇ ವರ್ಷದಲ್ಲಿ ಮದುವೆಯಾಗಿದ್ದರು.