‘ಭೂಮಿ’ ಪಾತ್ರದಲ್ಲಿ ಅದಿತಿ

ಒಮಂಗ್‌ ಕುಮಾರ್‌ ನಿರ್ದೇಶನದ ‘ಭೂಮಿ’ ಚಿತ್ರದಲ್ಲಿ ಹಾಟ್‌ ಬೆಡಗಿ ಅದಿತಿ ರಾವ್‌ ಹೈದರಿ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಸಂಜಯ್‌ ದತ್‌, ಅದಿತಿ ಅವರ ತಂದೆಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

‘ಸಿನಿಮಾ ಪಾತ್ರಕ್ಕೆ ಅದಿತಿ ಸಖತ್‌ ಹೊಂದಿಕೆಯಾಗುತ್ತಾರೆ. ಭೂಮಿ ಚಿತ್ರದ ಪಾತ್ರಕ್ಕೆ ಜೀವ ತುಂಬುವಂತಿರುವುದು ಅದಿತಿಯೇ. ಹೀಗಾಗಿ ಅವರನ್ನೇ ಆಯ್ದುಕೊಂಡೆವು’ ಎಂದು ಅದಿತಿ ರಾವ್‌ ಅವರನ್ನು ಆಯ್ದುಕೊಂಡಿದ್ದನ್ನು ಸಮರ್ಥಿಸಿಕೊಳ್ಳುತ್ತಾರೆ ಕುಮಾರ್‌.

ಇದೇ ಮೊದಲ ಬಾರಿಗೆ ಸಂಜಯ್‌ ದತ್ತ ಹಾಗೂ ಅದಿತಿ ರಾವ್‌ ಹೈದರಿ ತೆರೆ ಹಂಚಿಕೊಳ್ಳಲಿದ್ದಾರೆ. ‘ಇದು ಪ್ರೇಕ್ಷಕರಿಗೆ ಹೊಸ ಅನುಭವವನ್ನು ನೀಡಲಿದೆ. ಅಲ್ಲದೆ ಇಬ್ಬರು ಪ್ರತಿಭಾನ್ವಿತರ ನಟನಾ ಕೌಶಲ ನೋಡಲು ಕಾತರನಾಗಿದ್ದೇನೆ’ ಎಂದು ನಿರ್ಮಾಪಕ ಸಂದೀಪ್‌ ಸಿಂಗ್‌ ಕೂಡ ಹೇಳಿಕೊಂಡಿದ್ದಾರೆ.