ಇ–ವೀಸಾ: ಇಂದು ಚಾಲನೆ

ನವದೆಹಲಿ (ಪಿಟಿಐ): ಬಹುನಿರೀಕ್ಷಿತ ‘ಇ–ವೀಸಾ’ ಸೇವೆಗೆ ಗುರುವಾರ (ನ.27) ಚಾಲನೆ ದೊರಕಲಿದೆ. ಅಮೆರಿಕ, ಇಸ್ರೇಲ್‌, ಜರ್ಮನಿ, ಪ್ಯಾಲೆಸ್ಟೀನ್‌ ಸೇರಿದಂತೆ 43 ದೇಶಗಳ ಪ್ರವಾಸಿಗರು ‘ಇ–ವೀಸಾ’ ಸೇವೆಯನ್ನು ಪಡೆಯಬಹುದಾಗಿದೆ.

ಭಾರತೀಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮ (ಐಟಿಡಿಸಿ) ನಿರ್ವಹಿಸುವ ಹೋಟೆಲ್‌ ಅಶೋಕ್‌ದಲ್ಲಿ ಗೃಹ ಸಚಿವ ರಾಜನಾಥ್‌ ಸಿಂಗ್‌, ಪ್ರವಾಸೋದ್ಯಮ ಸಚಿವ ಮಹೇಶ್‌ ಶರ್ಮಾ ಅವರು ‘ಇ– ವೀಸಾ’ ಸೇವೆಗೆ ಚಾಲನೆ ನೀಡಲಿದ್ದಾರೆ ಎಂದು ಪ್ರವಾಸೋದ್ಯಮ ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.