ಗುರ್‍‍ಗಾಂವ್ ಜಲಾವೃತ; ಇದಕ್ಕೆಲ್ಲಾ ಕಾರಣ ಅರವಿಂದ ಕೇಜ್ರಿವಾಲ್ !

ನವದೆಹಲಿ: ಸತತ ಏಳು ಗಂಟೆಗಳ ಕಾಲ ಸುರಿದ ಮಳೆಯಿಂದಾಗಿ ಹರ್ಯಾಣದ ಗುರ್‍‍ಗಾಂವ್ ಸಂಪೂರ್ಣ ಜಲಾವೃತವಾಗಿದ್ದು, ಟ್ರಾಫಿಕ್ ಜಾಮ್ ನಲ್ಲಿ ವಾಹನ ಸವಾರರು ಚಡಪಡಿಸುವಂತಾಗಿದೆ.

ಗುರ್‍‍ಗಾಂವ್ ನೀರಲ್ಲಿ ಮುಳುಗಿ ಅಲ್ಲಿ ರಕ್ಷಣಾ ಕಾರ್ಯಗಳು ನಡೆಯುತ್ತಿರುವ ಹೊತ್ತಲ್ಲಿ, ಈ ಅವ್ಯವಸ್ಥೆಗೆ ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ಅವರೇ ಕಾರಣ ಎಂದು ಹರ್ಯಾಣ ಮುಖ್ಯಮಂತ್ರಿ ಮನೋಹರ್ ಲಾಲ್ ಖಟ್ಟರ್  ಆರೋಪಿಸಿದ್ದಾರೆ.

ದೆಹಲಿಯ ಅಸಹಕಾರವೇ ಇದಕ್ಕೆಲ್ಲಾ ಕಾರಣ ಎಂದು ಖಟ್ಟರ್ ಟ್ವೀಟ್ ಮಾಡಿ ಕೇಜ್ರಿವಾಲ್ ವಿರುದ್ಧ ಕಿಡಿ ಕಾರಿದ್ದಾರೆ.