ನಾಲ್ಕನೇ ಹಂತದಲ್ಲಿ ಶೇ 75 ಮತದಾನ

ನವದೆಹಲಿ (ಪಿಟಿಐ): ನಾಲ್ಕು ರಾಜ್ಯದ ಏಳು ಕ್ಷೇತ್ರ­ಗಳಲ್ಲಿ ಶನಿವಾರ ನಡೆದ ಲೋಕ­ಸಭಾ ಚುನಾ­ವಣೆ­ಯಲ್ಲಿ ಶೇ 75ಕ್ಕೂ ಹೆಚ್ಚಿನ ಪ್ರಮಾ­ಣದ ಮತದಾನ­ವಾಗಿದೆ.

ಗೋವಾದ ಎರಡು ಕ್ಷೇತ್ರಗಳು, ಅಸ್ಸಾಂನ ಮೂರು, ತ್ರಿಪುರಾ ಮತ್ತು ಸಿಕ್ಕಿಂನ ತಲಾ ಒಂದು ಕ್ಷೇತ್ರಗಳಲ್ಲಿ ಒಟ್ಟು 74 ಅಭ್ಯರ್ಥಿಗಳ ಭವಿಷ್ಯ ಮತಪೆಟ್ಟಿಗೆ­ಯಲ್ಲಿ ದಾಖಲಾಗಿದೆ.

‘ಎಲ್ಲೆಡೆ ಶಾಂತಿಯುತ ಮತ­ದಾನ ನಡೆ­ದಿದೆ. ಮತದಾನದ ವಿವರಗಳೂ ಇನ್ನೂ ಖಚಿತವಾಗಿ ತಿಳಿದಿಲ್ಲ. ಅಂತಿಮ ಚಿತ್ರಣ ದೊರಕಿದಾಗ ಮತ ಚಲಾವ­ಣೆಯ ಪ್ರಮಾಣ ಇನ್ನೂ ಹೆಚ್ಚುವ ಸಂಭವವಿದೆ’ ಎಂದು ಉಪ ಚುನಾವಣಾ ಆಯುಕ್ತ ಅಲೋಕ್‌ ಶುಕ್ಲಾ ಹೇಳಿದ್ದಾರೆ.

ಗೋವಾದ ಎರಡು ಕ್ಷೇತ್ರ– ಶೇ 75, ಅಸ್ಸಾಂನ ಮೂರು ಕ್ಷೇತ್ರ–ಶೇ 75, ತ್ರಿಪುರಾದ ಒಂದು ಕ್ಷೇತ್–ಶೇ 81.8,ಸಿಕ್ಕಿಂನ ಒಂದು ಕ್ಷೇತ್ರ– ಶೇ 76 ಮತದಾನವಾಗಿದೆ.