ಮೋದಿ ಜನ್ಮದಿನಕ್ಕೆ ಅಮ್ಮನಿಂದ ಲಡ್ಡು

ಅಹಮದಾಬಾದ್‌ (ಐಎಎನ್‌ಎಸ್‌): ಸೆಪ್ಟೆಂಬರ್‌ 17 ಪ್ರಧಾನಿ ನರೇಂದ್ರ ಮೋದಿ ಅವರ ಹುಟ್ಟುಹಬ್ಬ. ಅಂದು ತಮ್ಮ ತಾಯಿ ಹೀರಾಬಾ ಅವರನ್ನು ಭೇಟಿ ಮಾಡಿ ಆಶೀರ್ವಾದ ಪಡೆಯಲು ಮನೆಗೆ ತೆರಳಲಿರುವ  ಮೋದಿ ಅವರನ್ನು ಸ್ವಾಗತಿಸಲು ಕುಟುಂಬದ ಸದಸ್ಯರು ಭರ್ಜರಿ ತಯಾರಿ ನಡೆಸಿದ್ದಾರೆ. 

ಮೋದಿ ಅವರ ತಾಯಿ ಹೀರಾಬಾ ಅವರು ಗುಜರಾತಿ ವಿಶೇಷ ಸಿಹಿ ತಿನಿಸುಗಳಾದ ಚುರ್ಮಾ ಲಡ್ಡು (ಲಾಡು), ಲಪ್ಸಿ ಮತ್ತು ಕನ್ಸರ್‌ ತಯಾರಿಯಲ್ಲಿ ತೊಡಗಿದ್ದು, ಮಗನ ಬರುವಿಕೆಗಾಗಿ ಕಾತರದಿಂದ ಕಾಯುತ್ತಿದ್ದಾರೆ.