ರಾಣಿ ಮುಖರ್ಜಿ ಆದಿತ್ಯ ಚೋಪ್ರಾ ಮದುವೆ

ಮುಂಬೈ (ಪಿಟಿಐ); ಬಾಲಿವುಡ್‌ ನಟಿ ರಾಣಿ ಮುಖರ್ಜಿ ಮತ್ತು ಚಿತ್ರ ನಿರ್ಮಾಪಕ ಆದಿತ್ಯ ಚೋಪ್ರಾ ಇಟಲಿಯಲ್ಲಿ ರಹಸ್ಯವಾಗಿ ಮದುವೆಯಾಗಿದ್ದಾರೆ.

ಕಳೆದ ರಾತ್ರಿ ನಡೆದ ಸರಳ ವಿವಾಹ ಸಂಭ್ರಮದಲ್ಲಿ ರಾಣಿ ಮುಖರ್ಜಿ ಚೋಪ್ರಾ ಅವರನ್ನು ವರಿಸಿದರು. ರಹಸ್ಯವಾಗಿ ನಡೆದ ಈ ವಿವಾಹಕ್ಕೆ ಉಭಯ ಕುಟುಂಬಗಳ ಸದಸ್ಯರು ಮತ್ತು ಆಪ್ತರು ಆಗಮಿಸಿದ್ದರು.

36ರ ಹರೆಯದ ರಾಣಿ ಮುಖರ್ಜಿ ಹಾಗೂ 42ರ ಹರೆಯದ ಚೋಪ್ರಾ ಅವರು ಕೆಲ ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದರು. 
’ಈ ದಿನ ನನಗೆ ಅತೀವ ಸಂತಸದ ದಿನ’ ಎಂದು ರಾಣಿ ಟ್ವಿಟ್‌ ಮಾಡಿದ್ದಾರೆ. ಅಲ್ಲದೆ ಅಭಿಮಾನಿಗಳಿಂದ ಆಶೀರ್ವಾದ ಕೋರಿದ್ದಾರೆ.