ಲಡಾಕ್‌ಗೆ ನುಸುಳಿದ ಚೀನಾ ದನಗಾಹಿಗಳು

ಬೀಜಿಂಗ್, ನವದೆಹಲಿ (ಪಿಟಿಐ): ಕಳೆದ ವಾರ ಚೀನಾದ ದನಗಾಹಿಗಳು ಭಾರತದ ಗಡಿ ನುಸುಳಿ ಲಡಾಕ್ ಪ್ರವೇಶಿ­ಸಿದ್ದರು ಎಂಬುದನ್ನು ಭಾರತ ಮತ್ತು ಚೀನಾ ಒಪ್ಪಿಕೊಂಡಿವೆ.

‘ಘಟನೆಗೆ ಸಂಬಂಧಿಸಿದಂತೆ ಸೇನೆಯ ಸ್ಥಳೀಯ ಮುಖ್ಯಸ್ಥರು ಮಾತುಕತೆ ನಡೆಸಿ  ಸಮಸ್ಯೆ ಬಗೆಹರಿಸಿದ್ದಾರೆ. ಗಡಿಯಲ್ಲಿ ಶಾಂತಿ ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಈ ಸಭೆ ನಡೆಸಲಾಗಿದೆ’ ಎಂದು ಚೀನಾದ ವಿದೇಶಾಂಗ ಸಚಿವಾ­ಲಯ ತಿಳಿಸಿದೆ.
ವಾಸ್ತವ ನಿಯಂತ್ರಣ ರೇಖೆಯ ಡೆಮ್ಚೊಕ್‌ ಸೆಕ್ಟರ್‌ನ ಚಾರ್ಡಿಂಗ್‌ ನಿಲು ನುಲ್ಲಾ ಜಂಕ್ಷನ್‌ ಮೂಲಕ ಜುಲೈ 25ರಂದು ಲಡಾಕ್‌ ಪ್ರವೇಶಿಸಿದ್ದರು.

ಎರಡೂ ಸೇನೆಯ ಕಮಾಂಡರ್‌ಗಳ ನಡುವೆ ಮಾತುಕತೆ ನಡೆದು ಮರುದಿನ ದನಗಾಹಿಗಳು ಲಡಾಕ್‌ ತೊರೆದರು ಎಂದು ತಿಳಿದು ಬಂದಿದೆ.