ಲೈಂಗಿಕ ದೌರ್ಜನ್ಯ: ಬಂಧನ

ಚೆನ್ನೈ (ಪಿಟಿಐ): ಲೈಂಗಿಕ ದೌರ್ಜನ್ಯ ನಡೆಸಿ­ದ್ದಾರೆ ಎಂದು ಮಹಿಳಾ ಉದ್ಯೋಗಿ­ ನೀಡಿದ ದೂರಿನ ಆಧಾರದ ಮೇಲೆ ಸನ್‌ನೆಟ್‌ ವರ್ಕ್‌ನ ಮುಖ್ಯ ಕಾರ್ಯ­ನಿರ್ವಾಹಕ ಅಧಿಕಾರಿ ಸಿ.ಪ್ರವೀಣ್‌ ಅವ­ರನ್ನು ಬಂಧಿ­ಸ­­ಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.

ಶಬರಿಮಲೈ: ರೂ141 ಕೋಟಿ ಆದಾಯ
ಶಬರಿಮಲೈ (ಕೇರಳ): ಪ್ರಸಕ್ತ ವರ್ಷದಲ್ಲಿ ಕೇರಳದ ಶಬರಿಮಲೈ ದೇವಸ್ಥಾನಕ್ಕೆ ಪ್ರವಾಸಿಗರ ಸಂಖ್ಯೆ ಹೆಚ್ಚಿರುವುದರಿಂದ ರೂ 141 ಕೋಟಿ ಆದಾಯ ಸಂಗ್ರಹವಾಗಿದೆ.  ‘ಅಂದಾಜು 40.5 ಲಕ್ಷಕ್ಕೂ ಹೆಚ್ಚು ಜನ ದೇವಸ್ಥಾನಕ್ಕೆ ಭೇಟಿ ನೀಡಿದ್ದು, ಕಳೆದ ವರ್ಷಕ್ಕಿಂತ ಶೇ 10ರಷ್ಟು ಭಕ್ತರ ಸಂಖ್ಯೆ ಹೆಚ್ಚಿದೆ’ ಎಂದು ದೇವಸ್ಥಾನದ ಅಧಿಕಾರಿಗಳು ತಿಳಿಸಿದ್ದಾರೆ.
 
‘ಮುತ್ತಿನ ಬಾಬಾ’ ಬಂಧನ
ನವದೆಹಲಿ (ಐಎಎನ್‌ಎಸ್‌): ಕಾಯಿಲೆ ಮತ್ತು ಸಮಸ್ಯೆಗಳನ್ನು ನಿವಾರಿಸುವುದಾಗಿ ನಂಬಿಸಿ ಮಹಿಳಾ ಭಕ್ತರನ್ನು ಅಪ್ಪಿಕೊಂಡು ಚುಂಬಿಸುತ್ತಿದ್ದ ನಕಲಿ ದೇವಮಾನವ ‘ಮುತ್ತಿನ ಬಾಬಾ’ನನ್ನು ಆಂಧ್ರಪ್ರದೇಶದ ಕಡಪ ಜಿಲ್ಲೆಯಲ್ಲಿ ಶುಕ್ರವಾರ ಬಂಧಿಸಲಾಗಿದೆ.
ಸುಬ್ಬಾರೆಡ್ಡಿ ಬಂಧಿತ ಆರೋಪಿ. ಎರಡು ವಾರಗಳ ಕಾಲ ನ್ಯಾಯಾಂಗ ಬಂಧನಕ್ಕೆ ಆದೇಶಿಸಿರುವ ಕೋರ್ಟ್‌, ಆತನಿಗೆ ಮಾನಸಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡುವಂತೆಯೂ ಸೂಚಿಸಿದೆ.