ವಾಡಿಕೆಗಿಂತ ಹೆಚ್ಚು ಮಳೆ

ನವದೆಹಲಿ (ಪಿಟಿಐ):  ದೇಶದಾದ್ಯಂತ ಜೂನ್‌ ತಿಂಗಳಿನಲ್ಲಿ ವಾಡಿಕೆಗಿಂತ ಶೇ16ರಷ್ಟು ಹೆಚ್ಚು ಮಳೆ  ಬಿದ್ದಿದೆ ಎಂದು ಹವಾಮಾನ ಇಲಾಖೆ ಮಂಗಳವಾರ ತಿಳಿಸಿದೆ.

ಆದರೆ, ಕಳೆದ ವಾರಾಂತ್ಯದಿಂದ‌‌ ಮುಂಗಾರು ಮಳೆ ದೇಶದ ಹಲವು ಕಡೆ ಕ್ಷೀಣಿಸಿದೆ. ಜುಲೈ ಹಾಗೂ ಆಗಸ್ಟ್‌ನಲ್ಲಿ ಕ್ರಮವಾಗಿ  ಶೇ 8 ಮತ್ತು 10 ರಷ್ಟು ಕಡಿಮೆ ಮಳೆ ಆಗಲಿದೆ ಎಂದು ಇಲಾಖೆ ಮುನ್ಸೂಚನೆ ನೀಡಿದೆ.

ನಾಗಾಲ್ಯಾಂಡ್‌, ಮೇಘಾಲಯ, ಮಿಜೊರಾಂ, ತ್ರಿಪುರಾ ಹಾಗೂ ಬಿಹಾರದಲ್ಲಿ ಈ ತಿಂಗಳು ವಾಡಿಕೆಗಿಂತ ಕಡಿಮೆ ಮಳೆ ಆಗಿದೆ. ಆದರೆ ಮಧ್ಯ ಹಾಗೂ ವಾಯವ್ಯ ಭಾಗಗಳಲ್ಲಿ  ಉತ್ತಮ ಮಳೆ ಆಗಿದೆ.