ಸುಷ್ಮಾ ಅಭಿನಂದಿಸಿದ ಜಾನ್‌ ಕೆರಿ

ನವದೆಹಲಿ (ಪಿಟಿಐ): ವಿದೇಶಾಂಗ ವ್ಯವಹಾರಗಳ ಸಚಿವೆ ಸುಷ್ಮಾ ಸ್ವರಾಜ್‌ ಅವರಿಗೆ ಅಮೆರಿಕದ ವಿದೇ­ಶಾಂಗ ಕಾರ್ಯದರ್ಶಿ ಜಾನ್‌ ಕೆರಿ ಸೇರಿದಂತೆ ಇತರ ದೇಶಗಳ ಅಧಿಕಾರಿಗಳು  ಗುರುವಾರ ದೂರವಾಣಿ ಕರೆ ಮಾಡಿ ಅಭಿನಂದಿಸಿದರು.

ಸುಷ್ಮಾ ಸ್ವರಾಜ್‌ ಅವರು ವಿದೇಶಾಂಗ ವ್ಯವಹಾರ­ಗಳ ಖಾತೆ ಸಚಿವೆಯಾಗಿ ಅಧಿಕಾರ ವಹಿಸಿಕೊಂಡ ಬಳಿಕ ಮೊದಲ ಕರೆ ಮಾಡಿ ಅಭಿನಂದನೆ ಸಲ್ಲಿಸಿದ ಜಾನ್‌ ಕೆರಿ ಅವರು, ಭಾರತ ಮತ್ತು ಅಮೆರಿಕ ನಡುವಿನ  ಒಪ್ಪಂದಗಳನ್ನು ಗಟ್ಟಿಗೊಳಿಸುವ ಬಗ್ಗೆ  ಮಾತುಕತೆ ನಡೆಸಿದರು ಎಂದು ಸಚಿವಾಲಯದ ಮೂಲಗಳು ತಿಳಿಸಿವೆ.

ಭಾರತದೊಂದಿಗೆ ಅಮೆರಿಕದ  ವ್ಯಾಪಾರ ಮತ್ತು ಆರ್ಥಿಕ ವ್ಯವಹಾರವು ಸದ್ಯ ₨ 6 ಲಕ್ಷ ಕೋಟಿ ಇದ್ದು, ಅದನ್ನು ₨ 29 ಲಕ್ಷ ಕೋಟಿಗೆ ಹೆಚ್ಚಿಸುವ ಇಂಗಿತವನ್ನು ಕೆರಿ ಅವರು ವ್ಯಕ್ತಪಡಿಸಿದ್ದಾರೆ.