ಗೋರಿಯ ಮೇಲಿನ ಚಾದರ್‌ ಅಲುಗಾಟ

‘ಬಳ್ಳಾರಿ, ಕೊಪ್ಪಳ, ಹೊಸಪೇಟೆಗಳಲ್ಲೂ ಇಂಥದ್ದೇ ವದಂತಿ ಹಬ್ಬಿ ಅಲ್ಲಿಗೆ ಭೇಟಿ ನೀಡಿದ್ದೆ. ಚಾದರ್‌ ತೆಗೆಯಲು ಅಲ್ಲಿನ ಮೌಲ್ವಿಗಳು ಅವಕಾಶ ನೀಡದ ಕಾರಣ ಪವಾಡ ರಹಸ್ಯ ಬಯಲು ಮಾಡಲು ಸಾಧ್ಯವಾಗಲಿಲ್ಲ’ ಎಂದು ಅವರು ‘ಪ್ರಜಾವಾಣಿ’ಗೆ ವಿವರಿಸಿದರು. 

‘ದರ್ಗಾಗಳಲ್ಲಿ ಮಹಾತ್ಮರ ಗೋರಿಗಳನ್ನು ಅಲಂಕೃತ ಚಾದರದ ಮೂಲಕ ಬಿಗಿಯಾಗಿ ಕಟ್ಟಲಾಗಿರುತ್ತದೆ. ಚಾದರ್‌ ಮತ್ತು ಸಮಾಧಿ ನಡುವೆ ನಿರ್ವಾತ ಪ್ರದೇಶವಿರುತ್ತದೆ. ಒಳಗಿರುವ ಗಾಳಿಯು ಒತ್ತಡದಿಂದಾಗಿ ಈಚೆಗೆ ಬರಲು ಯತ್ನಿಸಿದಾಗ ಅಲ್ಲಲ್ಲಿ ಚಾದರ್ ಗುಳ್ಳೆಯಂತೆ ಉಬ್ಬುತ್ತದೆ.

ಅಲ್ಲದೇ ಅಲುಗಾಡುತ್ತ, ಸಣ್ಣ ಪ್ರಮಾಣದ ಸದ್ದೂ ಹೊರ ಹೊಮ್ಮುತ್ತದೆ. ಇದನ್ನೇ ಬಂಡವಾಳವಾಗಿಸಿಕೊಂಡು ಕೆಲವರು ಸಂತರ ಹೃದಯ ಮಿಡಿಯುತ್ತಿದೆ ಎಂದು ಮುಗ್ಧರನ್ನು ನಂಬಿಸುವುದು ಮೌಢ್ಯದ ಸಂಕೇತ’ ಎಂದು ಹುಲಿಕಲ್‌ ನಟರಾಜು ವಿವರಿಸಿದರು.

‘ಯಾವುದೇ ಭೂಕಂಪ ಆಗದ ಕಾರಣ ಗೋರಿಗಳು ಅಲುಗಾಡಿರುವುದು ಸುಳ್ಳು. ಇದು ಕೇವಲ ವದಂತಿ, ಜನರು ನಂಬಬಾರದು’ ಎಂದು ಭೂವಿಜ್ಞಾನ ಹಾಗೂ ಗಣಿ ಇಲಾಖೆ ಹಿರಿಯ ವಿಜ್ಞಾನಿ ಡಾ.ನಾಗಭೂಷಣ ಹೇಳಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.