ನಿಯತ್ತು ಮೆರೆದ ನಾಯಿ

ನ್ಯೂಯಾರ್ಕ್(ಪಿಟಿಐ): ನಾಲ್ಕು  ವರ್ಷದ ಬಾಲಕನನ್ನು ರಸ್ತೆಯ ಬದಿಗೆ ತಳ್ಳುವ ಮೂಲಕ ವೇಗವಾಗಿ ಬರುತ್ತಿದ್ದ ಕಾರಿನಿಂದ ಆತನನ್ನು ರಕ್ಷಿಸಿದ ನಾಯಿ, ನಂತರ ಅಪಘಾತದಲ್ಲಿ ಸಾವನ್ನಪ್ಪಿರುವ ಘಟನೆ ಇಲ್ಲಿ  ನಡೆದಿದೆ.

ತನ್ನ ಸಾಕಿದ ಮಾಲೀಕನ ಮಗ ಸಾವಿನ ದವಡೆಗೆ ಸಿಲುಕುತ್ತಿರುವುದನ್ನು ಕಂಡ ಬಾಕ್ಸರ್ ಎಂಬ ತಳಿಯ 36.2 ಕೆಜಿ ತೂಕದ ಸಿಮೊನ್ ಎಂಬ ನಾಯಿ, ಆ ಬಾಲಕನನ್ನು ರಸ್ತೆಯ ಬದಿಗೆ ತಳ್ಳುವ ಮೂಲಕ ತಾನು ಕಾರಿಗೆ ಸಿಲುಕಿ ಸಾವನ್ನಪೊ್ಪಿದೆ.

ನಾಯಿಯ ಮಾಲೀಕರಾದ ಫುರುಕವಾ ಅವರು ‘ಇದು ನಿಜವಾದ ನಿಯತ್ತು ಹಾಗೂ ಧೈರ್ಯ’ ಎಂದು ಬಣ್ಣಿಸಿದ್ದಾರೆ. ಮಗನನ್ನು ಕಾಲ್ನಡಿಗೆಯಲ್ಲಿ ಶಾಲೆಗೆ ಬಿಡಲು ಹೋಗುತ್ತಿದ್ದಾಗ ಏಕಾಏಕಿ ಬಂದ ಕಾರೊಂದು ನಾಯಿಗೆ ಡಿಕ್ಕಿ ಹೊಡೆಯಿತು.