ಭೂಕುಸಿತಕ್ಕೆ 32 ಬಲಿ , 9 ಮಂದಿ ಕಣ್ಮ ರೆ
Published 20 ಆಗಸ್ಟ್ 2014, 19:30 IST
ಪಶ್ಚಿಮ ಜಪಾನಿನ ಹಿರೋಶಿಮಾದಲ್ಲಿ ಮಂಗಳವಾರ ಸಂಭವಿಸಿದ ಭೂಕುಸಿತಕ್ಕೆ ಬಲಿಯಾದವರ ಮೃತದೇಹಗಳನ್ನು ಜಪಾನ್‌ ಭದ್ರತಾ ಪಡೆ ಯೋಧರು ಹಾಗೂ ಪೊಲೀಸರು ಪ್ಲಾಸ್ಟಿಕ್‌ ಚೀಲಗಳಲ್ಲಿ ಹೊತ್ತೊಯ್ದರು –ರಾಯಿಟರ್ಸ್‌ ಚಿತ್ರ
ಟೋಕಿಯೊ (ಎಎಫ್‌ಪಿ): ಪಶ್ಚಿಮ ಜಪಾನಿನ ಹಿರೋಶಿಮಾದಲ್ಲಿ ಮಂಗಳವಾರ ರಾತ್ರಿ ಸಂಭವಿಸಿದ ಭಾರಿ ಭೂಕುಸಿತಕ್ಕೆ 32 ಮಂದಿ ಬಲಿಯಾಗಿದ್ದು, 9 ಮಂದಿ ಕಣ್ಮರೆಯಾಗಿದ್ದಾರೆ ಎಂದು ಸ್ಥಳೀಯ ಪೊಲೀಸರು ತಿಳಿಸಿದ್ದಾರೆ.
ಇಲ್ಲಿನ ಗುಡ್ಡವೊಂದು 12ಕ್ಕೂ ಹೆಚ್ಚು ಮನೆಗಳ ಮೇಲೆ ಕುಸಿದಿದೆ. ಹಲವು ಮನೆಗಳು ನೆಲಸಮವಾಗಿವೆ. ಗುಡ್ಡ ಕನಿಷ್ಠ 5 ಬಾರಿಯಾದರೂ ಕುಸಿದಿದೆ. ಘಟನೆಯಲ್ಲಿ ಬದುಕುಳಿದವರು ಅವಶೇಷಗಳಲ್ಲಿ ಜೀವಂತವಾಗಿರುವವರಿಗಾಗಿ ಹುಡುಕುತ್ತಿದ್ದ ದೃಶ್ಯಗಳನ್ನು ಇಲ್ಲಿನ ಟಿ.ವಿ. ವಾಹಿನಿ ಪ್ರಸಾರ ಮಾಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.