ರಷ್ಯಾ: ಹೆಲಿಕಾಪ್ಟರ್ ದುರಂತದಲ್ಲಿ 15 ಜನರು ಸಾವು

ಮಾಸ್ಕೊ, ರಷ್ಯಾ (ಪಿಟಿಐ): ರಷ್ಯಾದಲ್ಲಿ ನಾಗರಿಕ ಹೆಲಿಕಾಪ್ಟರ್‌ವೊಂದು ದುರಂತಕ್ಕೀಡಾಗಿ 15 ಜನರು ಮೃತಪಟ್ಟಿರುವ ಘಟನೆ ಸೈಬಿರಿಯಾದಲ್ಲಿ ಗುರುವಾರ ಬೆಳಿಗ್ಗೆ ನಡೆದಿದೆ.

22 ಪ್ರಯಾಣಿಕರು ಹಾಗೂ ನಾಲ್ವರು ಸಿಬ್ಬಂದಿ ಇದ್ದ ಎಂಐ8 ಹೆಲಿಕಾಪ್ಟರ್ ಪಶ್ಚಿಮ ಸೈಬಿರಿಯಾದ ಇಗಾರ್ಕಾ ಪಟ್ಟಣದ ಹೊರವಲಯದಲ್ಲಿ ಪತನಗೊಂಡಿದೆ.

‘ಹೆಲಿಕಾಪ್ಟರ್ ಪತನ ಘಟನೆಯಲ್ಲಿ 15 ಜನರು ಮೃತಪಟ್ಟಿದ್ದು, 10 ಮಂದಿ ಗಾಯಗೊಂಡಿದ್ದಾರೆ’ ಎಂದು ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ತಿಳಿಸಿದ್ದಾರೆ.

ತೈಲ ಉತ್ಪಾದನಾ ಸ್ಥಳಕ್ಕೆ ತೆರಳುತ್ತಿದ್ದ ಹೆಲಿಕಾಪ್ಟರ್‌ ಇಗಾರ್ಕಾ ನಿಲ್ದಾಣದಿಂದ ಹೊರಟ 15 ನಿಮಿಷಗಳಲ್ಲಿ ಸಂಪರ್ಕ ಕಳೆದುಕೊಂಡಿತ್ತು ಎಂದೂ ಅಧಿಕಾರಿಗಳು ತಿಳಿಸಿದ್ದಾರೆ.