ಇಸ್ರೊಗೆ ಅಭಿನಂದನೆ

ಇತ್ತೀಚೆಗೆ ಸದಾ ಒಂದಿಲ್ಲೊಂದು ವಿನೂತನ ಪ್ರಯೋಗವನ್ನು ಮಾಡುತ್ತಲೇ ಇರುವ ನಮ್ಮ ದೇಶದ ಹೆಮ್ಮೆಯ ಬಾಹ್ಯಾಕಾಶ ಸಂಸ್ಥೆ ಇಸ್ರೊ ಈಗ ಭಾರತ, ಅಮೆರಿಕ ಹಾಗೂ ಇತರ ರಾಷ್ಟ್ರಗಳ 104 ಉಪಗ್ರಹಗಳನ್ನು ಏಕಕಾಲಕ್ಕೆ ಉಡಾವಣೆ ಮಾಡುವ ಮೂಲಕ ವಿಶ್ವದಾಖಲೆಯನ್ನು ನಿರ್ಮಿಸಿದೆ. ಕನಿಷ್ಠ ವೆಚ್ಚ, ಗರಿಷ್ಠ ಸಾಧನೆಯ ಮೂಲಕ ಬಾಹ್ಯಾಕಾಶ ಲೋಕದಲ್ಲಿ ಕೀರ್ತಿ ಗಳಿಸಿಕೊಂಡಿದೆ.

ಈ ಮುಂಚೆ ರಷ್ಯಾ 37 ಉಪಗ್ರಹಗಳನ್ನು ಉಡಾವಣೆ ಮಾಡಿ ವಿಶ್ವ ದಾಖಲೆ ನಿರ್ಮಿಸಿತ್ತು. ಸದ್ಯ ಆ ದಾಖಲೆಯನ್ನು ಭಾರತ ಅಳಿಸಿ ಹಾಕಿದೆ. ಇಂತಹ ಶ್ರೇಷ್ಠ ಸಾಧನೆ ಮಾಡಿದ ಇಸ್ರೊ ಮತ್ತು ಅದರ ಅಧ್ಯಕ್ಷರಾದ ಕನ್ನಡಿಗ ಎ.ಎಸ್.ಕಿರಣ್‌ ಕುಮಾರ್ ಅಭಿನಂದನಾರ್ಹರು.
ರಾಮನಗೌಡ ಸಿ. ಬಿರಾದಾರ
- ಶಿರಕನಹಳ್ಳಿ, ಇಂಡಿ ತಾಲ್ಲೂಕು