ಪ್ರಾಮಾಣಿಕರ ರಕ್ಷಣೆಗೆ ನಿಲ್ಲಿ

ತಿ. ನರಸೀಪುರದಲ್ಲಿ ಉಪನೋಂದಣಾಧಿ­ಕಾರಿಯಾಗಿರುವ ಎಚ್.ಎಸ್. ಚಲುವರಾಜು ಅವರು, ಕಚೇರಿಯಲ್ಲಿನ ಭ್ರಷ್ಟಾಚಾರದಿಂದ ಬೇಸತ್ತು ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ. 

ಬಿಜೆಪಿ ನೇತೃತ್ವದ ಸರ್ಕಾರದ  ಭ್ರಷ್ಟ ಆಡಳಿತವನ್ನೇ ಬೊಟ್ಟು ಮಾಡಿ ತೋರಿಸಿ ಅಧಿಕಾರಕ್ಕೆ ಬಂದ ಕಾಂಗ್ರೆಸ್‌ ಪಕ್ಷಕ್ಕೆ ಇಂಥ ಅಧಿಕಾರಿಗಳ ರಕ್ಷಣೆಗೆ ನಿಲ್ಲಲಾಗುತ್ತಿಲ್ಲವೆಂಬುದು ವಿಷಾದದ ಸಂಗತಿ.

ಸಂಬಂಧಿತ ಇಲಾಖೆಯ ಅಧಿಕಾರಿಗಳು ಚಲುವರಾಜು  ಅವರ ರಾಜೀನಾಮೆಯನ್ನು  ಯಾವ ಕಾರ­ಣಕ್ಕೂ ಅಂಗೀಕರಿಸದೆ, ಅವರು ಎತ್ತಿರುವ ಪ್ರಶ್ನೆಗಳ ಕಡೆ  ಗಮನಕೊಡುವುದು  ಸಾರ್ವಜನಿಕ ಹಿತದೃಷ್ಟಿಯಿಂದ ಅಗತ್ಯ.
–ಚನ್ನು ಅ. ಹಿರೇಮಠ, ರಾಣೆಬೆನ್ನೂರು