ಮಿತವ್ಯಯಕ್ಕೆ ಪೂರಕ

ಭಾರತದ ಉಬರ್ ಸಂಸ್ಥೆ  ‘ಉಬರ್ ಪೂಲ್’ ಹೆಸರಿನಲ್ಲಿ ಕಾರ್ ಪೂಲಿಂಗ್ ಸೇವೆ ಅಸ್ತಿತ್ವಕ್ಕೆ ತರಲಿರುವುದು ಸ್ವಾಗತಾರ್ಹ (ಪ್ರ.ವಾ., ಸೆ. 22). ಪರ ದೇಶಗಳಲ್ಲಿ ಬಹಳ ವರ್ಷಗಳ ಹಿಂದಿನಿಂದಲೇ  ಇಂತಹ ಸೇವೆ ಜಾರಿಯಲ್ಲಿದೆ.

ನಿಸರ್ಗದತ್ತವಾದ ಇಂಧನ ಸಂಪನ್ಮೂಲದ ಸಮರ್ಪಕಬಳಕೆ, ಆರ್ಥಿಕ ಮಿತವ್ಯಯ, ವಾಯುಮಾಲಿನ್ಯ ಹಾಗೂ ಶಬ್ದಮಾಲಿನ್ಯ ನಿಯಂತ್ರಿಸಿ ಸ್ವಚ್ಛ ಪರಿಸರವನ್ನು ಕಾಯ್ದುಕೊಳ್ಳಲು ಕಾರ್ ಪೂಲಿಂಗ್ ಉತ್ತಮವಾದ ಮಾರ್ಗ. ಆದರೆ ಪರಿಚಿತರೊಂದಿಗೆ ಈ ಸೇವೆ ಬಳಸುವುದು ಕ್ಷೇಮ.