ಸಂಪೂರ್ಣವಾಗಿ ತೊಡಗಲಿ

ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಸಚಿವ ಸಂಪುಟದಲ್ಲಿರುವ ಹಲವು ಸಚಿವರು ಇತ್ತೀಚಿನ ದಿನಗಳಲ್ಲಿ ರಾಜ್ಯದಲ್ಲಿ ಅಭಿವೃದ್ಧಿ ಕೆಲಸ ಮಾಡುವುದನ್ನು ಬಿಟ್ಟು ವೀರಶೈವ-ಲಿಂಗಾಯತ ವಿಚಾರದಲ್ಲಿ ತಮ್ಮ ಪ್ರಕಾಂಡ ಪಾಂಡಿತ್ಯವನ್ನು ತೋರಿಸುತ್ತಿದ್ದಾರೆ. ಇವರಲ್ಲಿ ಎಂ.ಬಿ. ಪಾಟೀಲ, ವಿನಯ ಕುಲಕರ್ಣಿ, ಈಶ್ವರ ಖಂಡ್ರೆ ಹಾಗೂ ಬಸವರಾಜ ರಾಯರಡ್ಡಿ ಪ್ರಮುಖರು.

ನಾಡಿನ ಹಿತ ಕಾಯುವುದಾಗಿ ಪ್ರಮಾಣ ವಚನ ಸ್ವೀಕರಿಸಿ ಮಂತ್ರಿಗಳಾದವರು, ಯಾವುದೇ ಭೇದ ಭಾವ ಮಾಡದೆ ನಾಡಿನ ಅಭಿವೃದ್ಧಿಗಾಗಿ ದುಡಿಯಬೇಕು. ಅದನ್ನು ಬಿಟ್ಟು ಸ್ವತಂತ್ರ ಧರ್ಮದ ಪ್ರತಿಪಾದನೆಯೇ ಇವರಿಗೆ ಫುಲ್ ಟೈಮ್‌ ಜಾಬ್ ಎಂಬಂತಾಗಿ ಹೋಗಿದೆ.

ಜನರ ಕೆಲಸಕ್ಕಿಂತ ಧರ್ಮದ ವಿಚಾರವೇ ಇವರಿಗೆ ಮುಖ್ಯವೆನಿಸಿದರೆ, ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಿ ವಿಧ್ಯುಕ್ತವಾಗಿ ಜಾತಿ– ಧರ್ಮದ ಸಂಘಟನೆಗಳಲ್ಲಿ ತೊಡಗಿಸಿಕೊಳ್ಳುವುದು ಒಳ್ಳೆಯದು.
-ಆರ್. ರಘು (ಕೌಟಿಲ್ಯ), ಮೈಸೂರು