ಸ್ವಾಮಿಗಳಿಗೆ ಜಾತಿಯ ನಂಟು ಬೇಕೆ?

ಇತ್ತೀಚೆಗೆ ಕರಾವಳಿ ಭಾಗದಲ್ಲಿ ಬಂಟರು ಒಗ್ಗೂಡಿ ಬಲಿಷ್ಠ ಸಮಾಜ ನಿರ್ಮಿಸಬೇಕು ಎಂದು ಬಾರ್ಕೂರು ಮಹಾಸಂಸ್ಥಾನದ ಡಾ.ವಿಶ್ವ ಸಂತೋಷ ಭಾರತಿ ಶ್ರೀಪಾದರು ಕರೆ ನೀಡಿದ್ದು ಸುದ್ದಿಯಾಗಿತ್ತು. ಇದನ್ನು ಓದಿ ತುಂಬ ಅಚ್ಚರಿಯಾಯಿತು. ವ್ಯಕ್ತಿಯೊಬ್ಬ ಸನ್ಯಾಸ ಸ್ವೀಕರಿಸಿ ಸ್ವಾಮಿಯಾದ ನಂತರ ಅವರ ಪೂರ್ವಾ­ಶ್ರಮದ ಜಾತಿಯೊಡನೆ ವಿಶಿಷ್ಟ ಸಂಬಂಧ, ಅಭಿಮಾನ ಇರಿ­ಸುವುದು ನ್ಯಾಯವೇ?  ಜಾತಿಯ ಸಂಬಂಧ ಕಳಚಿ­ಮಾನವ ಸಮಾಜಕ್ಕೆ ಮಾರ್ಗ­ದರ್ಶನ ನೀಡಬೇಕಾದ ವಿವಿಧ ಕೋಮುಗಳ ಸ್ವಾಮಿ­ಗಳು ಜಾತಿಗಳ ಒಗ್ಗಟ್ಟಿಗೆ ಕರೆ ಕೊಡುವುದು ಅನುಚಿತ ಎನ್ನದೆ ವಿಧಿಯಿಲ್ಲ.