ಎರಡು ನಿಮಿಷ ಏಳು ಸೆಕೆಂಡ್ನ ಟ್ರೇಲರ್, ಒಮ್ಮೆ ಯುದ್ಧದ ಭೀಕರತೆ ತೋರಿದರೆ ಮತ್ತೊಮ್ಮೆ ಮುಗ್ಧತೆ ತುಂಬಿದ ಹಳ್ಳಿಯ ದರ್ಶನ ಮಾಡಿಸುತ್ತದೆ. ಚಳಿಯಲ್ಲಿ ಗಡಿ ಕಾಯುವ ಯೋಧರ ಮಧ್ಯೆ ಪೆದ್ದ ಮಗುವಿನಂತೆ ಸಲ್ಮಾನ್ಖಾನ್ ಕಾಣಿಸಿಕೊಂಡಿದ್ದಾರೆ.
ಅಂದಹಾಗೆ, ನಾವು ಮಾತನಾಡುತ್ತಿರುವುದು ‘ಟ್ಯೂಬ್ಲೈಟ್’ ಸಿನಿಮಾದ ಟ್ರೇಲರ್ ಬಗ್ಗೆ. ಮೇ 4ರಂದು ಟ್ರೇಲರ್ ಯುಟ್ಯೂಬ್ಗೆ ಅಪ್ಲೋಡ್ ಆಗಿದೆ. ಸುಮಾರು 60 ಲಕ್ಷ ಮಂದಿ ನೋಡಿದ್ದಾರೆ.
ಯೋಧನ ಪಾತ್ರದಲ್ಲಿ ಸೊಹೈಲ್ ಖಾನ್ ಕಾಣಿಸಿಕೊಂಡಿದ್ದಾರೆ. ಅಣ್ಣನನ್ನು ಕಾಡುವ ತುಂಟ, ಪೆದ್ದು ತಮ್ಮನಾಗಿ ಕಾಣಿಸಿಕೊಂಡಿರುವ ಸಲ್ಮಾನ್ ಖಾನ್ ಮುಗ್ಧತೆ ಗಮನ ಸೆಳೆಯುತ್ತದೆ. ನಿರ್ದೇಶನದ ಕಸುಬು ಕಬೀರ್ ಖಾನ್ಗೆ ದಕ್ಕಿದೆ ಎಂಬುದಕ್ಕೆ ಟ್ರೇಲರ್ನಲ್ಲಿ ಹಲವು ಸಾಕ್ಷಿಗಳಿವೆ.
ಇಂಗ್ಲಿಷ್ ಸಿನಿಮಾ ‘ಲಿಟ್ಲ್ ಬಾಯ್’ ಕಥೆಯಿಂದ ಸ್ಫೂರ್ತಿ ಪಡೆದು ‘ಟ್ಯೂಬ್ಲೈಟ್’ ಸಿನಿಮಾದ ಚಿತ್ರಕಥೆ ಬರೆದಿರುವುದಾಗಿ ನಿರ್ದೇಶಕ ಕಬೀರ್ ಹೇಳಿಕೊಂಡಿದ್ದಾರೆ. ಚೀನಾದ ಗಾಯಕಿ ಮತ್ತು ನಟಿ ಜೂಜೂ ಈ ಸಿನಿಮಾದ ನಾಯಕಿ. ಸಿನಿಮಾ ಜೂನ್ 23ರಂದು ಬಿಡುಗಡೆಯಾಗಲಿದೆ.
‘ಟ್ಯೂಬ್ಲೈಟ್’ ಟ್ರೇಲರ್ ಟ್ವೀಟರ್ನಲ್ಲಿ ಭಾರೀ ಸದ್ದು ಮಾಡುತ್ತಿದೆ. ‘ಸಿನಿಮಾ ನೋಡಲು ಕಾತರದಿಂದ ಕಾಯುತ್ತಿದ್ದೇನೆ’ ಎಂದು ನಟಿ ಅತಿಯಾ ಶೆಟ್ಟಿ ಟ್ವೀಟ್ ಮಾಡಿದ್ದಾರೆ.
ವಿಡಿಯೊ ನೋಡಲು ಲಿಂಕ್: bit.ly/2p9HXrQ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.