‘ಆಶಿಕಿ–2’ ಹುಡುಗಿ ಶ್ರದ್ಧಾಕಪೂರ್ ಈಗ ಹಾಫ್ ಗರ್ಲ್ ಫ್ರೆಂಡ್ ಆಗಿದ್ದಾರೆ. ಯಾರಿಗೆ ಅನ್ನುವ ಕುತೂಹಲವೇ? ನಿರ್ದೇಶಕ ಮೋಹಿತ್ ಸೂರಿ ಅವರ ‘ಹಾಫ್ ಗರ್ಲ್ ಫ್ರೆಂಡ್’ ಚಿತ್ರದಲ್ಲಿ ಅರ್ಜುನ್ ಕಪೂರ್ಗೆ ಶ್ರದ್ಧಾ ಹಾಫ್ ಗರ್ಲ್ ಫ್ರೆಂಡ್ ಆಗಿದ್ದಾರೆ.
ಪಕ್ಕಾ ಇಂಡಿಯನ್ ರೊಮ್ಯಾಂಟಿಕ್ ಕಾಮಿಡಿ ಆಗಿರುವ ಈ ಚಿತ್ರದಲ್ಲಿ ಶ್ರದ್ಧಾ ರಿಯಾ ಸೊಮನಿ ಪಾತ್ರದಲ್ಲಿ ನಟಿಸಿದ್ದಾರೆ. ‘ರಿಯಾ ಪಾತ್ರ ನನ್ನ ಸಿನಿಮಾ ಕೆರಿಯರ್ನಲ್ಲೇ ಕಷ್ಟಕರವಾದ ಪಾತ್ರ. ಇದುವರೆಗೆ ನಾನು ಇಂಥ ಪಾತ್ರ ಮಾಡಿಲ್ಲ’ ಎಂದು ಶ್ರದ್ಧಾ ಹೇಳಿಕೊಂಡಿದ್ದಾರೆ.
ಸ್ಲಂ ಹುಡುಗ ಮತ್ತು ಶ್ರೀಮಂತ ಹುಡುಗಿಯೊಬ್ಬಳ ನಾಟಕೀಯ ಪ್ರೇಮದ ಕಥೆಯನ್ನೊಳಗೊಂಡಿರುವ ಈ ಚಿತ್ರ ಚೇತನ್ ಭಗತ್ ಅವರ ‘ಹಾಫ್ ಗರ್ಲ್ಫ್ರೆಂಡ್’ ಕೃತಿಯನ್ನಾಧರಿಸಿದೆ. ಚಿತ್ರದ ಚಿತ್ರೀಕರಣ ಭಾಗಶಃ ಪೂರ್ಣಗೊಂಡಿದ್ದು, ಮುಂದಿನ ವರ್ಷ ಮೇ ತಿಂಗಳಲ್ಲಿ ಬಿಡುಗಡೆಯಾಗುವ ನಿರೀಕ್ಷೆ ಇದೆ.
ಅಂದಹಾಗೆ ಹಾಫ್ ಗರ್ಲ್ ಫ್ರೆಂಡ್ ಆಗಲು ಈ ಹಿಂದೆ ‘ಕ್ವೀನ್’ ಖ್ಯಾತಿಯ ಕಂಗನಾ ರೌನತ್ ಕೂಡಾ ಆಸಕ್ತಿ ತೋರಿದ್ದರು. ಆದರೆ, ಈ ಅದೃಷ್ಟ ಶ್ರದ್ಧಾ ಪಾಲಿಗೆ ಒಲಿದಿದೆ. ಹೊಸ ಚಿತ್ರದ ಕುರಿತು ಟ್ವೀಟ್ ಮಾಡಿರುವ ಶ್ರದ್ಧಾ, ಚಿತ್ರೀಕರಣದ ಸಮಯದಲ್ಲಿನ ನೆನಪುಗಳನ್ನು ಹಂಚಿಕೊಂಡಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.