ಡಿ.4ರಂದು ಸುನಿಲ್ ಚೆಟ್ರಿ ಮದುವೆ

ನವದೆಹಲಿ: ಭಾರತ ಫುಟ್‌ಬಾಲ್‌ ತಂಡದ ನಾಯಕ ಸುನಿಲ್ ಚೆಟ್ರಿ ಬಹುಕಾಲದ ಗೆಳತಿ ಸೋನಮ್‌ ಭಟ್ಟಾಚಾರ್ಯ ಅವರೊಂದಿಗೆ ಡಿಸೆಂಬರ್‌ 4ರಂದು ಕೋಲ್ಕತ್ತದಲ್ಲಿ ವಿವಾಹ ಬಂಧನಕ್ಕೆ ಒಳಗಾಗಲಿದ್ದಾರೆ.

ಸೋನಮ್ ಅವರು ಹಿರಿಯ ಫುಟ್‌ಬಾಲ್ ಆಟಗಾರ ಸುಬ್ರತಾ ಭಟ್ಟಾಚಾರ್ಯ ಅವರ ಮಗಳು. ಅವರು ಸ್ಕಾಟ್ಲೆಂಡ್‌ನಲ್ಲಿ ಬ್ಯುಸಿನೆಸ್ ಮ್ಯಾನೇಜ್‌ಮೆಂಟ್ ವಿಭಾಗದಲ್ಲಿ ಪದವಿ ಪಡೆದಿದ್ದಾರೆ. ಸೋಮವಾರ ರಾತ್ರಿ ಗುಡಗಾಂವ್‌ನಲ್ಲಿ ಸಂಗೀತ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಬೆಂಗಳೂರಿನಲ್ಲಿ ಡಿಸೆಂಬರ್‌ 24ರಂದು ಆರತಕ್ಷತೆ ನಡೆಯಲಿದೆ.

33 ವರ್ಷದ ಚೆಟ್ರಿ ನಾಲ್ಕನೇ ಆವೃತ್ತಿಯ ಇಂಡಿಯನ್ ಸೂಪರ್ ಲೀಗ್‌ ಫುಟ್‌ಬಾಲ್‌ ಟೂರ್ನಿಯಲ್ಲಿ ಬೆಂಗಳೂರು ಎಫ್‌ಸಿ ತಂಡದ ಪರ ಆಡುತ್ತಿದ್ದಾರೆ.