ಸ್ಪಾಟ್‌ ಫಿಕ್ಸಿಂಗ್‌: ಸಮಿ, ಅಕ್ಮಲ್ ಹೆಸರು

ಕರಾಚಿ : ಪಾಕಿಸ್ತಾನ ಸೂಪರ್ ಲೀಗ್‌ನಲ್ಲಿ ನಡೆದಿದೆ ಎನ್ನಲಾಗುವ ಸ್ಪಾಟ್ ಫಿಕ್ಸಿಂಗ್‌ ವಿವಾದದಲ್ಲಿ ವೇಗದ ಬೌಲರ್‌ ಮುಹಮ್ಮದ್ ಸಮಿ ಮತ್ತು ಬ್ಯಾಟ್ಸ್‌ಮನ್‌ ಉಮರ್ ಅಕ್ಮಲ್ ಅವರ ಹೆಸರು ಕೇಳಿ ಬಂದಿದೆ.

ಈ ವಿಷಯ ಪಾಕಿಸ್ತಾನದ ಮಾಧ್ಯಮಗಳಲ್ಲಿ ಮಂಗಳವಾರ ಬಿತ್ತರವಾಗಿದೆ. ಸ್ಪಾಟ್ ಫಿಕ್ಸಿಂಗ್‌ಗೆ ಸಂಬಂಧಿಸಿ ತನಿಖೆ ನಡೆಸುತ್ತಿರುವ ಮೂವರನ್ನು ಒಳಗೊಂಡ ಸಮಿತಿಗೆ ರಾಷ್ಟ್ರೀಯ ಅಪರಾಧ ಏಜೆನ್ಸಿ ಈ ಕುರಿತು ಮಾಹಿತಿ ನೀಡಿದ್ದು ವಿಡಿಯೊ ತುಣುಕನ್ನು ಕೂಡ ಹಸ್ತಾಂತರ ಮಾಡಿದೆ ಎಂದು ತಿಳಿದು ಬಂದಿದೆ. 

ಸ್ಥಳೀಯ ಪತ್ರಿಕೆಯೊಂದರ ಜೊತೆ ಮಾತನಾಡಿದ ಪಾಕಿಸ್ತಾನ ಕ್ರಿಕೆಟ್‌ ಮಂಡಳಿ ಅಧ್ಯಕ್ಷ ಶಹರ್ಯಾರ್ ಖಾನ್‌ ಕೂಡ ಇವರಿಬ್ಬರ ಹೆಸರನ್ನು ಉಲ್ಲೇಖಿಸಿದ್ದಾರೆ.